Verbum

вад

(англ. wad)

мінерал групы псіламелану, сумесь зямлістых і сажыстых агрэгатаў аксідаў і гідраксідаў марганцу чорнага або цёмна-карычневага колеру; руда марганцу, кобальту і нікелю.

ва́дзі

(ар. wādi)

сухія даліны ў пустынях Аравіі і Паўн. Афрыкі, якія ў час дажджу напаўняюцца вадой.

вадо́зны

(лац. vadosus = неглыбокі);

в-ыя воды — падземныя воды атмасфернага паходжання або ўтвораныя ў межах зямной кары.

вадэві́ль

(фр. vaudeville)

кароткая жартоўная п’еса з песнямі-куплетамі, рамансамі і танцамі.

вадэме́кум

(лац. vade mecum = ідзі са мной)

кішэнная даведачная кніжка, даведнік.