Verbum

мікрамініяцюрыза́цыя

(ад мікра- + мініяцюрызацыя)

значнае памяншэнне памераў і масы апаратаў, прыбораў, радыётэхнічных элементаў і інш., што грунтуецца на дасягненнях мікраэлектронікі.

мікраміцэ́ты

(ад мікра- + -міцэты)

зборная група грыбоў мікраскапічных памераў; мікрагрыбы (параўн. макраміцэты).

мікрамо́дуль

(ад мікра- + модуль)

блок радыёэлектроннай апаратуры ў мініяцюрным выкананні.

мікрамонаспара́цыі

(н.-лац. micromonosporaceae)

сямейства актынаміцэтаў, пашыраны ў глебе, гноі, сене, азёрным іле і інш.

Мікране́зія

(ад мікра- + гр. nesos = востраў)

група дробных астравоў у Акіяніі, пераважна на поўнач ад экватара.

мікранектрые́ла

(н.-лац. micronectriella)

сумчаты грыб сям. нектрыевых, які развіваецца пераважна на злакавых.

мікранівелі́р

(ад мікра- + нівелір)

вымяральны прыбор для вельмі дакладнага вызначэння перавышэнняў пунктаў або нахілу апорных плоскасцей розных установак.

мікрапалеантало́гія

(ад мікра- + палеанталогія)

раздзел палеанталогіі, які вывучае мікраскапічныя выкапнёвыя рэшткі арганізмаў.

мікрапары́т

(ад мікра- + пора)

сілікатны дробнапорысты цеплаізаляцыйны матэрыял.

мікрапі́ле

(ад мікра- + гр. pyle = вароты)

1) адтуліна ў абалонцы яец насякомых, павукападобных, некаторых малюскаў, рыб і іншых жывёл, праз якую сперматазоід трапляе ў клетку;

2) адтуліна ў семязавязі большасці кветкавых раслін, праз якую пры апыленні пранікае пылковая трубка са сперміямі.