Verbum

матч

(англ. match)

спартыўнае спаборніцтва паміж дзвюма камандамі або двума праціўнікамі.

матч-турні́р

(ад матч + турнір)

спартыўнае спаборніцтва, у якім усе ўдзельнікі (пры кругавой сістэме) сустракаюцца паміж сабой не менш двух разоў.

ма́ты

(ням. Matte)

высакагорныя лугі ў Цэнтр. і Паўд. Еўропе.

матывава́ць

(фр. motiver)

прыводзіць довады, матывы, якія пацвярджаюць, абгрунтоўваюць што-н.

матыва́цыя

(ад матыў)

сістэма довадаў, аргументаў на карысць чаго-н.

маты́ў

(фр. motif, ад с.-лац. motivum = рухомае)

1) асноўная прычына, падстава да якога-н. дзеяння, а таксама доказ у карысць чаго-н. (напр. м. учынку);

2) прасцейшая адзінка сюжэтнага развіцця літаратурнага твора, тэма твора мастацтва;

3) мелодыя, напеў; найгрыш.

матэ́

(ісп. mate, ад індз. mate)

1) напітак з сухіх лістоў паўднёваамерыканскай расліны той жа назвы; парагвайскі чай;

2) маленькая пасудзіна, з якой п’юць гэты напітак у Паўд. Амерыцы.

матэло́т

(фр. matelot)

самы блізкі, суседні ў страі ваенны карабель.

матэ́ль

[англ. motel, ад mot(orists) + (hot)el)

гасцініца для аўтатурыстаў са станцыяй тэхнічнага абслугоўвання, гаражамі, стаянкамі і іншымі відамі паслуг.

матэматыза́цыя

(ад матэматыка)

укараненне матэматычных метадаў і дасягненняў матэматыкі ў іншыя навукі, галіны ведаў і сферы дзейнасці чалавека.