Verbum

міко́лаг

(ад міка- + -лаг)

спецыяліст у галіне мікалогіі.

мікра-

(гр. mikros = малы)

першая састаўная частка складаных слоў, якая выражае паняцці «вельмі малы, дробны», «звязаны з вывучэннем або вымярэннем вельмі малых прадметаў, велічынь», «мільённая доля адзінкі меры, названай у другой частцы слова».

мікраампе́р

(ад мікра- + ампер)

адзінка сілы электрычнага току, роўная мільённай частцы ампера.

мікраана́ліз

(ад мікра- + аналіз)

сукупнасць метадаў і прыёмаў, пры дапамозе якіх можна рабіць аналіз вельмі малых колькасцей хімічных рэчываў (вагой да 1 мг).

мікраапера́цыя

(ад мікра- + аперацыя)

элементарная аперацыя перапрацоўкі інфармацыі электронна-вылічальнай машынай.

мікрааргані́змы

(ад мікра + арганізм)

нябачныя простым вокам раслінныя або жывёльныя арганізмы.

мікрааўто́бус

(ад мікра- + аўтобус)

невялікі аўтобус, разлічаны на 10 пасажыраў.

мікраба́р

(ад мікра- + бар)

адзінка вымярэння ціску, мільённая частка бара.

мікрабаро́граф

(ад мікра- + барограф)

прыбор для рэгістрацыі малых і хуткіх ваганняў атмасфернага ціску.

мікрабіёлаг

(ад мікра- + біёлаг)

спецыяліст у галіне мікрабіялогіі.