Verbum

філатэлі́ст

(ад філатэлія)

чалавек, які займаецца філатэліяй.

філатэлі́я

(фр. philatelie, ад гр. phileo = люблю + ateleia = вызваленне ад аплаты)

калекцыяніраванне і вывучэнне паштовых і гербавых марак, паштовых знакаў, а таксама папяровых грашовых знакаў розных краін.

філафані́ст

(ад філафанія)

чалавек, які займаецца філафаніяй.

філафані́я

(ад гр. phileo = люблю + -фанія)

калекцыяніраванне гукавых, у асноўным музычных, запісаў.

філафо́ра

(ад гр. phyllon = лісток + phoros = які нясе)

чырвоная водарасць сям. філафоравых, якая пашырана ў морах цёплых і ўмераных зон.

філахіно́н

(ад гр. phyllon = лісток + хіноны)

вітамін К, які ў арганізме прымае ўдзел у сінтэзе пратрамбіну ў печані; змяшчаецца ў зялёных частках раслін.

філахо́ра

(н.-лац. phyllachora)

сумчаты грыб сям. філахоравых, які паразітуе на лісці злакаў.

філе́​¹

(фр. filet)

1) мяса вышэйшага гатунку з сярэдняй часткі тушы (каля хрыбетніка);

2) наогул кусок мяса або рыбы, ачышчаны ад касцей.

філе́​²

(фр. file)

вышыўка на сетцы з нітак або ажурная вязка.

фі́лер

(венг. fillér)

разменная манета Венгрыі, роўная 1/100 форынта.