Verbum

плейбо́й

(англ. playboy, ад play = гульня + boy = хлопец)

багаты малады чалавек у буржуазным грамадстве, які займаецца толькі спортам і заляцаннямі да жанчын.

плейстасе́йсты

(ад гр. pleistos = найбольш + seistos = страсянуты)

лініі на геаграфічнай карце, якія злучаюць пункты найбольшай сілы землетрасення.

плейстацэ́н

(ад гр. pleistos = найбольш + -цэн)

першая найбольш старажытная і працяглая частка антрапагену.

плейсто́н

(ад гр. plein = плысці на судне)

сукупнасць арганізмаў, якія жывуць на паверхні вады.

плексігла́с

(ням. Plexiglas, ад лац. plexus = пераплецены + ням. Glas = шкло)

арганічнае празрыстае шкло, якое выкарыстоўваецца для зашклення самалётаў, аўтамабіляў і інш.

плексі́т

(ад лац. plexus = спляценне)

захворванне нервовых спляценняў.

плектаміцэ́ты

(н.-лац. plectomycetiidae)

група сумчатых грыбоў падкласа эўаскаміцэтаў з пладовымі целамі клейстатэцыямі; пашыраны па ўсім зямным шары; пераважна сапратрофы, некаторыя — паразіты раслін, жывёл і чалавека.

плектане́ма

(н.-лац. plectonema)

ніткаватая сіне-зялёная водарасць сям. плектанемавых, якая пашырана ў салёных і прэсных водах, глебе, на сценах старых будынкаў, калодзежаў, на кары дрэў.

плектр

(гр. plektron)

медыятар для ігры на струнных шчыпковых музычных інструментах (цытры, мандаліне, домры і інш.).

плена́рны

(п.-лац. plenarius, ад лац. plenus = поўны)

які адбываецца пры ўдзеле ўсіх членаў выбранага кіруючага органа якой-н. арганізацыі.