Verbum

мікраэкано́міка

(ад мікра + эканоміка)

эканамічная навука, якая вывучае ўзаемасувязі і прапорцыі ў межах асобнай галіны вытворчасці або асобнага прадпрыемства (параўн. макраэканоміка).

мікраэлектро́д

(ад мікра- + электрод)

самы тонкі электрод у канцы ўчастка электрычнага ланцуга; выкарыстоўваецца ў медыцыне.

мікраэлектро́ніка

(ад мікра- + электроніка)

раздзел электронікі, які займаецца канструяваннем мініяцюрных радыёэлектронных устройстваў.

мікраэлеме́нты

(ад мікра- + элементы)

хімічныя элементы, якія знаходзяцца ў раслінных і жывёльных арганізмах у вельмі малой колькасці і неабходны для іх нармальнай жыццядзейнасці (напр. бор, малібдэн, марганец і інш.); параўн. макраэлементы.

мікро́бы

(фр. microbe, ад гр. mikros = маленькі + bios = жыццё)

найдрабнейшыя жывыя арганізмы, бачныя толькі пад мікраскопам, да якіх належаць бактэрыі, актынаміцэты, мікраплазмы, вірусы, мікраскапічныя грыбы і водарасці, часам прасцейшыя.

мікро́метр

(ад мікра- + -метр)

інструмент для вымярэння лінейных велічынь невялікіх цел.

мікро́н

(гр. mikron = малое)

мера даўжыні, роўная мільённай частцы метра.

мікрургі́я

[ад мікра(а) + (хір)ургія]

правядзенне пад мікраскопам аперацый на прасцейшых, клетках шматклетачных арганізмаў і інш.

міксабактэ́рыі

(ад гр. myksa = слізь + бактэрыі)

палачкападобныя бактэрыі, рух якіх адбываецца ў выніку выдзялення слізі; жывуць у глебе, гноі, раслінных рэштках і прымаюць удзел у іх разлажэнні.

міксаві́русы

(ад гр. myksa = слізь + вірусы)

тое, што і артаміксавірусы.