Verbum

мікрапары́т

(ад мікра- + пора)

сілікатны дробнапорысты цеплаізаляцыйны матэрыял.

мікрапі́ле

(ад мікра- + гр. pyle = вароты)

1) адтуліна ў абалонцы яец насякомых, павукападобных, некаторых малюскаў, рыб і іншых жывёл, праз якую сперматазоід трапляе ў клетку;

2) адтуліна ў семязавязі большасці кветкавых раслін, праз якую пры апыленні пранікае пылковая трубка са сперміямі.

мікрапрагра́ма

(ад мікра- + праграма)

паслядоўнасць мікракаманд для электронна-вылічальнай машыны.

мікрапрае́ктар

(ад мікра- + праектар)

аптычны апарат мініяцюрных размераў.

мікрапрае́кцыя

(ад мікра- + праекцыя)

спосаб адлюстравання прадметаў малой велічыні на плоскасці.

мікрапрацэ́с

(ад мікра- + працэс)

працэс, які мае невялікае пашырэнне і нядоўга трывае.

мікрапрацэ́сар

(ад мікра- + працэсар)

устройства апрацоўкі інфармацыі, якое праграмна кіруецца і прымяняецца ў мікраЭВМ, сістэмах аўтаматычнага кіравання.

мікрапрынтава́нне

(ад мікра- + англ. print = друк)

паліграфічнае праяўленне мікраадлюстраванняў (адлюстраванняў, утвораных фатаграфаваннем праз мікраскогі).

мікрараён

(ад мікра- + раён)

структурная адзінка сучаснай забудовы горада, дзе акрамя жылых будынкаў, размешчаны гандлёвыя пункты, установы культурна-бытавога абслугоўвання насельніцтва і інш. (параўн. макрараён).

мікрарэлье́ф

(ад мікра- + рэльеф)

дробныя формы рэльефу зямной паверхні з ваганнямі вышынь у некалькі метраў (пагоркі, купіны і інш.); параўн. макрарэльеф, мегарэльеф, мезарэльеф.