Verbum

паўзпра́сілле Месца каля прасла і ў сярэдзіне абгароджанага ўчастка (Краснап. Бяльк., Слаўг.). Тое ж паўзпра́слічча, паўзпра́снічча, пра́снічча, пра́слішча, пра́слінне (Слаўг.).

паўзро́вічча Месца каля рова (Слаўг.). Тое ж паўзроўе, прыроўе, прыровічча (Слаўг.).

паўзрэ́чча Прырэчная сенажаць (Слаўг.). Тое ж прырэчча, прырэчышча (Слаўг.).

паўрэ́за Участак зямлі 36 га (Стол.).

паўста́нак Невялікая чыгуначная станцыя (БРС).

паўчвэ́ртка Палавіна чацвёртай часткі гектара (Стол.).

пахады́ Глухія патаемныя мясціны, сцежкі; хованкі (Ст.-дар.). Тое ж хады́ (Слаўг.).

па́хань Узаранае ці засеянае поле (Слаўг.). Тое ж па́хаць (Лёзн., Слаўг.), па́хата (Рэч., Ст.-дар.), пашня́, пашэнька (Слаўг.).

па́хаць Поле, засеянае ўпершыню (Докш.).

пахо́вішча Бліндаж (Гродз.); месца хованкі ад ворагаў; сховішча (Слаўг.).