Verbum

ка́лькавы, ‑ая, ‑ае.

Зроблены калькаваннем, які з’яўляецца калькай. Калькавы пераклад. Калькавы выраз.

калькулява́цца, ‑люецца; незак.

Зал. да калькуляваць.

калькулява́ць, ‑люю, ‑люеш, ‑люе; незак., што.

Складаць, рабіць калькуляцыю. Калькуляваць кошт прадукцыі.

калькуля́тар, ‑а, м.

Работнік, які займаецца калькуляцыяй.

калькуляцы́йны, ‑ая, ‑ае.

Які мае адносіны да калькуляцыі. Калькуляцыйныя падлікі.

калькуля́цыя, ‑і, ж.

Вылічэнне сабекошту, пакупной і прадажнай вартасці тавару, прадукцыі і інш.

[Лац. calculatio.]

кальма́р, ‑а, м.

Галаваногі марскі малюск, мяса якога з’яўляецца каштоўным харчовым прадуктам.

[Фр. calmar.]

кальну́ць, ‑ну, ‑неш, ‑не; ‑нём, ‑няце; зак.

Аднакр. да калоць ​¹ (у 1, 3, 4 і 7 знач.).

кальра́бі, нескл., ж.

Разнавіднасць агароднай капусты з патаўшчэннямі на сцябле, па форме і смаку падобнымі на рэпу.

[Ням. Kohlrabi.]

кальсо́ны, ‑аў; адз. няма.

Споднія мужчынскія штаны; споднікі.

[Фр. caleçon.]