кафэ́, нескл., н.
Невялікі рэстаран, дзе прадаюць кофе, чай, закускі і пад.
[Фр. café.]
кафэшанта́н, ‑а, м.
У капіталістычных краінах — кафэ з эстрадай для выступленняў, звычайна пошлага, непрыстойнага характару.
[Ад фр. café chantant — кафэ са спевамі.]
кафэшанта́нны, ‑ая, ‑ае.
Які мае адносіны да кафэшантана. Кафэшантанная спявачка.
кафява́рка, ‑і, ДМ ‑рцы; Р мн. ‑рак; ж.
Апарат для прыгатавання гарачага настою кофе. Пабыць кафяварку.
кафява́рны, ‑ая, ‑ае.
Які мае адносіны да кафяваркі; звязаны з прыгатаваннем кофе. Кафяварны апарат.
кафямо́лка, ‑і, ДМ ‑лцы; Р мн. ‑лак; ж.
Апарат для драбнення пражаных кафейных зярнят. Электрычнае кафямолка.
каха́нак, ‑нка, м.
Разм.
1. Любы, каханы (у 2 знач.). Той вясною дзяўчына чакала, Што з паходу каханак прыйдзе, Вясну радасна так загукала, А каханка... забіў якісь злыдзень. Чарот.
2. Тое, што і палюбоўнік. — Мой адзін знаёмы вось так ажаніўся. А ў жонкі дружок патайны быў. Выпусцілі яго з турмы, ён адразу да яе. Ёй, вядома, ніякага сэнсу не было кідаць майго знаёмага, а каханак не адступаўся. Асіпенка.
каха́нка, ‑і, ДМ ‑нцы; Р мн. ‑нак; ж.
Разм.
1. Любая, каханая (у 2 знач.). Мне не забыцца ранку Прыгожаю вясной, — Хадзілі мы з каханкай Дарожкай залатой. Броўка.
2. Тое, што і палюбоўніца. Міхась пакутаваў, не маючы досыць рашучасці .. парваць з .. выпадковай каханкай. Машара.
каха́нне, ‑я, н.
Вялікае сардэчнае пачуццё да пэўнай асобы другога полу. Першае каханне. Прызнацца ў каханні. □ — Кахання, Мікола, не бойся. Узвышанае гэта, прыгожае пачуццё. Краўчанка. Аб Таццяне.. [Жэнька] думаў часта, але баяўся свае незразумелыя пачуцці да яе назваць каханнем. Шамякін. // Пра чалавека, які выклікае такое пачуццё. Я сам у трывозе: таксама ў дарозе згубілася дзесьці, сюды не бяжыць, не едзе здалёку маё, у вяснушках, каханне. Вялюгін. Пабудзь жа, маё каханне, Пакуль усход разгарыцца. Нядзведскі. // Любоўныя адносіны. Пара кахання. □ Рана магло б і каханне пачацца, ды Валя нікога з знаёмых хлопцаў не любіла. Брыль.