Verbum

камфарта́бельны, ‑ая, ‑ае.

Выгодны, з камфортам. Камфартабельная кватэра. Камфартабельнае крэсла. Камфартабельны салон.

[Англ. comfotrable.]

камфо́ра,

гл. камфара.

камфо́равы, ‑ая, ‑ае.

Тое, што і камфорны.

камфо́рны, ‑ая, ‑ае.

Які мае адносіны да камфары, уласцівы ёй. Камфорны пах. // Прыгатаваны з камфары, з камфарой. Камфорны спірт. Камфорнае масла.

•••

Камфорнае дрэва гл. дрэва.

камфо́рт, ‑у, М ‑рце, м.

Сукупнасць бытавых выгод, зручнасцей; утульнасць. — Кожны шпіталь па сваёй утульнасці, камфорту павінен быць падобным на лепшыя санаторыі. Лынькоў. [Пётр Андрэевіч] Мельнік любіў камфорт і не шкадаваў ні грошай, ні стараннасці, каб стварыць яго для сябе. Гамолка.

[Англ. comfort.]

камфо́ртны, ‑ая, ‑ае.

Тое, што і камфартабельны. Камфортная кватэра. // Такі, што спрыяе добраму самаадчуванню, дае добрае адчуванне і пад. Камфортныя ўмовы.

камчада́л,

гл. камчадалы.

камчада́лка,

гл. камчадалы.

камчада́лы, ‑аў; адз. камчадал, ‑а, м.; камчадалка, ‑і, ДМ ‑лцы; мн. камчадалкі, ‑лак; ж.

Назва карэннага насельніцтва Камчаткі, дадзеная першымі рускімі пасяленцамі; ітэльмены.

камчада́льскі, ‑ая, ‑ае.

Які мае адносіны да камчадалаў, які належыць, уласцівы ім. Камчадальская культура.