Verbum

увівацца, ✂; незак. (разм.).

Вярцецца каля каго-н., неадступна хадзіць за кім-н., дамагаючыся чаго-н., дагаджаючы каму-н.

• У. каля дзяўчыны.

увільгатніцца, ✂; зак.

Стаць вільготным, насыціцца вільгаццю.

|| незак. увільгатняцца, ✂.

|| наз. увільгатненне, ✂.

увільгатніць, ✂; зак.

Зрабіць вільготным, насыціць вільгаццю.

• Веснавыя дажджы ўвільгатнілі глебу.

|| незак. увільгатняць, ✂.

|| наз. увільгатненне, ✂.

увільнуць, ✂; зак.

1. Лоўка павярнуўшыся, пазбегнуць чаго-н.

   • У. ад удару.

2. перан., ад чаго. Ухіліцца ад чаго-н., карыстаючыся рознымі хітрыкамі.

   • У. ад цяжкай працы.

|| незак. увільваць, ✂.

|| наз. увільванне, ✂.

увіхацца, ✂; незак.

1. каля каго-чаго, па чым. Хутка і спрытна рабіць што-н., займацца чым-н.; клапаціцца пра каго-, што-н.

   • У. каля печы.

2. каля каго-чаго і за кім-чым. Тое, што і увівацца.

   • У. каля начальства.

3. Хутка рухацца, круціцца.

   • Трос круціўся, увіхаўся.

|| наз. увіханне, ✂.

увіць, ✂; зак.

1. што ў што. Уплесці віццём.

   • У. стужку ў вянок.

2. што на што. Намотваючы, змясціць.

   • У. усю пражу на верацяно.

3. Абвіць па ўсёй паверхні.

   • Дзікі вінаград увіў сцены дома.

4. што чым. Упрыгожыць, абвіваючы чым-н.

   • У. арку гірляндамі.

|| незак. увіваць, ✂.

увішны, ✂.

1. Жвавы, спрытны ў рухах(пра чалавека, жывёл, птушак); уласцівы такому чалавеку; хуткі, спорны.

   • У. ў рабоце.
   • Увішныя рухі.

2. перан. Вынаходлівы, хітры.

   • У. палітык.

|| наз. увішнасць, ✂.