Verbum

невымерны, ✂.

Які не паддаецца вымярэнню, вельмі вялікі.

• Невымерныя прасторы.

|| наз. невымернасць, ✂.

невыносны, ✂.

Які цяжка, немагчыма вынесці; нясцерпны.

• Н. боль.

|| наз. невыноснасць, ✂.

невычарпальны, ✂.

Які практычна цяжка вычарпаць, выкарыстаць поўнасцю; вельмі багаты.

• Невычарпальныя багацці.

|| наз. невычарпальнасць, ✂.

невычэрпны, ✂.

Тое, што і невычарпальны.

|| наз. невычэрпнасць, ✂.

невядомасць, ✂, ж.

1. гл. невядомы.

2. Адсутнасць звестак, ведаў аб кім-, чым-н.

3. Сціплае, непрыкметнае існаванне.

   • Жыць у невядомасці.

невядомы, ✂.

1. Такі, якога не ведаюць, аб якім няма звестак; незнаёмы.

   • Н. востраў.
   • Ураўненне з адным невядомым (наз.).

2. Які не карыстаецца вялікай папулярнасцю; малавядомы.

   • Н. аўтар.

3. Нязведаны, не перажыты раней.

   • Невядомае пачуццё.

4. Незнаёмы, незнаёмая.

   • Прыходзіў невядомы (наз.).
   • Труп невядомага (наз.).

5. Аб чым-н. нязведаным.

   • Крок у невядомае (наз.).

|| наз. невядомасць, ✂.

невялікі, ✂.

1. Малы па велічыні і памерах, нязначны па колькасці, нядоўгі (пра час).

   • Н. пакой.
   • Невялікая чародка качак.
   • Н. перапынак.

2. Нязначны па сіле, інтэнсіўнасці, якасці, зместу і пад.

   • Н. снег.

3. Які не мае вялікага значэння ў грамадстве.

   • Невялікая пасада.

4. Які нічым не вылучаецца; пасрэдны.

   • Н. знаўца.

невялічкі, ✂.

Тое, што і невялікі (у 1 і 2 знач.); маленькі.

• Н. марозік.

невяртанец, ✂, м.

Чалавек, які не вярнуўся на радзіму, застаўся жыць у чужой краіне.

|| ж. невяртанка, ✂.

негабарыт, ✂, м. (спец.).

Вырабы, прадукты, якія сваімі памерамі не адпавядаюць норме, стандарту.

|| прым. негабарытны, ✂.

• Негабарытная рэч.