Verbum

камерсант, ✂, м.

Той, хто займаецца камерцыяй.

|| прым. камерсанцкі, ✂.

камертон, ✂, м.

Інструмент у выглядзе сталёвай вілкі, які пры ўдары ўтварае гук пэўнай пастаяннай вышыні і выкарыстоўваецца пры настройцы музычных інструментаў, у харавых спевах.

|| прым. камертонны, ✂.

камерцыйны, ✂.

1. гл. камерцыя.

2. Гандлёвы, не ваенны.

   • К. флот.

3. Звязаны з гандлем па павышаных цэнах.

   • К. магазін.
   • Камерцыйныя цэны.

камерцыя, ✂, ж.

Гандаль, гандлёвыя аперацыі.

|| прым. камерцыйны, ✂.

• Камерцыйныя аперацыі.

камерыстка, ✂, ж.

Служанка пры пані ў багатым дваранскім доме.

камер-юнкер, ✂, м.

У некаторых манархічных краінах: малодшы прыдворны чын, а таксама асоба, якая мае гэты чын.

|| прым. камер-юнкерскі, ✂.

камета, ✂, ж.

1. Нябеснае цела, якое ўдалечыні ад Сонца мае выгляд абкружанай туманнай абалонкай яркай светлай плямы з вузкай паласой святла ў форме хваста.

2. Рачное быстраходнае пасажырскае судна на падводных крылах.

|| прым. каметны, ✂.

камея, ✂, ж.

Упрыгожанне з рэльефнай разьбой з слаістага разнаколернага каменя або ракавіны.

• Пярсцёнак з камеяй.

камзол, ✂, м.

Даўнейшая мужчынская верхняя вопратка, звычайна без рукавоў.

|| прым. камзольны, ✂.

камізм, ✂, м.

Камічнае, смешнае ў чым-н., гумар.

• К. сітуацыі.