Verbum

пераціснуць, ✂; зак.

1. Моцна сціснуць, здушыць, туга перавязаць, сцягнуць чым-н.

   • П. аорту.

2. Ціскам раздзяліць на часткі, расплюшчыць у якім-н. месцы.

   • П. змяю колам.

|| незак. пераціскаць, ✂.

пераціхнуць, ✂; зак.

Тое, што і перасціхнуць.

|| незак. пераціхаць, ✂.

перацягаць, ✂; зак.

Перамясціць волакам, перанасіць ці ўкрасці за некалькі прыёмаў.

• П. бярвенне.
• Ваўкі перацягалі многа авечак.

перацягнуцца, ✂; зак.

Туга сцягнуць сябе чым-н.

• П. поясам.

|| незак. перацягвацца, ✂.

перацягнуць, ✂; зак.

1. Цягнучы, перамясціць.

   • П. канапу ў другі пакой.

2. перан. Пераманіць, прымусіць перайсці ці пераехаць куды-н. (разм.).

   • П. на свой бок.
   • П. сябра да сябе на працу.

3. Нацягнуць нанава.

   • П. шыны на колах.

4. Туга сцягнуць.

   • П. талію поясам.

5. Аказацца па вазе цяжэйшым за што-н.

   • Адна шаля перацягнула другую.

6. Пра спаборніцтва, у якім праціўнікі цягнуць што-н. у розныя бакі: аказацца мацнейшым за каго-н.

   • Хто каго перацягне?

7. Перарабіць, перашыць (скураны абутак; спец.).

   • П. боты.

|| незак. перацягваць, ✂.

|| наз. перацягванне, ✂ і перацяжка, ✂.

перацярпець, ✂; зак.

1. Перанесці; выцерпець многае; церпячы, пераадолець што-н.

   • П. усе нягоды.
   • П. спакусу.

2. чаго і без дапаўнення. Зазнаць шмат пакут, гора і пад.

   • Колькі ён перацярпеў за свой век!

перачакаць, ✂; зак.

Прабыць дзе-н., у якіх-н. умовах і пад., чакаючы заканчэння чаго-н. або пакуль хто-н. закончыць што-н.

• П. дождж.
• Усіх не перачакаеш.
• П. паўгадзіны.

перачапаць, ✂; зак. (разм.).

Дакрануцца па чарзе да многага, многіх.

• П. усё на стале.

перачарціць, ✂; зак.

1. Начарціць нанава.

   • П. план будынка.

2. Зняць копію з якога-н. чарцяжа.

   • П. план на кальку.

|| незак. перачэрчваць, ✂.

|| наз. перачэрчванне, ✂.

перачасаць​¹, ✂; зак.

1. Расчасаць для прыгатавання пражы ўсё, многае.

   • П. увесь лён.

2. Расчасаць пачэсанае яшчэ раз.

   • П. кудзелю.

3. Прычасаць нанава.

   • П. валасы.

|| незак. перачэсваць, ✂.