Verbum

размоўнік, ✂, м.

Дапаможнік для размовы з іншаземцамі з узорамі дыялогаў на бытавыя і іншыя тэмы.

размывіна, ✂, ж.

Размытае вадой паглыбленне ў зямлі, на дне вадаёма.

размыў, ✂, м.

1. гл. размыць.

2. Месца, размытае вадой.

размыцца, ✂; зак.

Разбурыцца пад дзеяннем вады, плыні.

• Бераг паступова размыўся.

|| незак. размывацца, ✂.

|| наз. размыў, ✂.

размыць, ✂; зак.

Разбурыць плынню, вадою.

• Рака размыла бераг.

|| незак. размываць, ✂.

|| наз. размыванне, ✂ і размыў, ✂.

размякчыцца, ✂; зак.

1. Стаць мяккім, размякнуць пад уздзеяннем чаго-н.

   • Пластылін размякчыўся ў цяпле.

2. перан. Прыйсці ў стан душэўнай лагоднасці, стаць ласкавым, добрым.

|| незак. размякчацца, ✂.

|| наз. размякчэнне, ✂.

размякчыць, ✂; зак.

1. Зрабіць мяккім.

   • Р. воск.

2. перан. Прывесці ў стан душэўнай мяккасці.

   • Р. сэрца ласкай.

|| незак. размякчаць, ✂.

|| наз. размякчэнне, ✂.

размяніць, ✂; зак.

Тое, што і размяняць (у 1 знач.).

|| незак. разменьваць, ✂.

|| наз. размен, ✂.

размяняцца, ✂; зак.

1. Памылкова абмяняўшыся чым-н. падобным, аднародным, зрабіць размен.

   • Р. шапкамі.

2. У шахматнай гульні: зрабіць размен фігур.

   • Р. сланамі.

3. Зрасходаваць свае сілы, здольнасці на дробныя справы.

   • Р. на дробязі.

4. Пра тых, хто жыве разам: раз’ехацца, падзяліўшы агульную жылую плошчу.

|| незак. разменьвацца, ✂.

|| наз. размен, ✂.

• Р. фігур у шахматнай гульні.

размяняць, ✂; зак.

1. Абмяняць адны грашовыя купоны або манеты на больш дробныя ў адпаведнай колькасці.

   • Р. сто рублёў.
   • Р. пяты дзесятак (перан. пра ўзрост: ужо споўнілася сорак).

2. Абмяняць каго-, што-н. на другое падобнае або на другога падобнага.

   • Р. кватэру.
   • Р. палонных.

|| незак. разменьваць, ✂.

|| наз. размен, ✂.

|| прым. разменны, ✂.

• Р. аўтамат (для размену манет).
• Разменныя манеты (дробныя, для размену).