Verbum

пяка́рня, -і, мн. -і, -рань, ж.

Прадпрыемства па выпечцы хлебных вырабаў.

пяка́рскі гл. пекар.

пяке́льны, -ая, -ае.

1. гл. пекла.

2. перан. Вельмі моцны, а таксама нясцерпны (пра што-н. непрыемнае; разм.).

Пякельная спёка.

П. боль.

пяко́тка, -і, ДМ -тцы, ж.

Адчуванне пякучага болю ў страваводзе.

пяку́чы, -ая, -ае.

1. Здольны спальваць, паліць, які выклікае адчуванне апёку.

Пякучыя прамяні сонца.

П. боль.

2. перан. Які востра перажываецца, пакутлівы.

Пякучае гора.

|| наз. пяку́часць, -і, ж.

пяле́гаваць, -гую, -гуеш, -гуе; -гуй; -гаваны; незак., каго-што (разм.).

Песціць, любоўна даглядаць.

П. дзіця.

|| наз. пяле́гаванне, -я, н.

пялёнка, -і, ДМ -нцы, мн. -і, -нак, ж.

1. Прасцінка, у якую закручваюць і спавіваюць грудных дзяцей.

2. Суцэльны покрыў, тое, што завалаквае, зацягвае з усіх бакоў (кніжн.).

Пушыстая п. снегу.

П. туману.

◊

З пялёнак (разм.) — з ранняга дзяцінства.

|| прым. пялёначны, -ая, -ае.

пялёстак, -тка, мн. -ткі, -ткаў, м.

Лісток з вяночка кветак.

Пялёсткі рамонка.

|| прым. пялёсткавы, -ая, -ае.

пя́льцы, -аў.

Рама для нацягвання тканіны, на якой вышываюць.

Сядзець за пяльцамі.

п’янава́ты, -ая, -ае.

Злёгку п’яны.

Насупраць сядзеў п. дзядзька.