глушы́ць, глушу́, глу́шыш, глу́шыць; незак., каго-што.
1. Перашкаджаць слухаць.
Розныя шумы глушылі прамову, і нічога не было чуваць.
2. Рабіць нячутным, заглушаць.
Г. радыё.
3. Не даваць расці, перашкаджаць развіццю чаго-н.
Крапіва глушыла буракі.
Г. ініцыятыву (перан.).
4. Моцным ударам аглушаць, пазбаўляць прытомнасці.
Г. рыбу.
5. Выключаць (матор, машыну і пад.).
Г. матор.
6. Вельмі многа піць чаго-н. (пераважна пра алкаголь; разм.).
Г. гарэлку.
|| зак. заглушы́ць, -глушу́, -глу́шыш, -глу́шыць; -глу́шаны (да 1—3 і 5 знач.) і аглушы́ць, аглушу́, аглу́шыш, аглу́шыць; аглу́шаны (да 4 знач.).
|| наз. глушэ́нне, -я, н. (да 4 знач.).
глушэ́ц, -шца́, мн. -шцы́, -шцо́ў, м.
1. Вялікая лясная птушка сямейства цецерукоў.
2. Глухі чалавек (разм.).
|| прым. глушцо́вы, -ая, -ае (да 1 знач.).
глыб, -і, ж.
Тое, што і глыбіня (у 2 знач.).
глы́ба, -ы, мн. -ы, глыб, ж.
Вялікі кавалак, абломак цвёрдага рэчыва.
Г. лёду.
|| прым. глы́бавы, -ая, -ае.
Г. россып.
глыбака... (гл. глыбока...).
Першая састаўная частка складаных слоў; ужыв. замест «глыбока...», калі націск у другой частцы слова падае на першы склад, напр.: глыбакаводны, глыбакадонны, глыбакадумны.
глыбакаво́ддзе, -я, н.
Высокі ўзровень вады ў рацэ, вадаёме.
глыбакаво́дны, -ая, -ае.
1. Паўнаводны, глыбокі, па якім могуць хадзіць судны.
Глыбакаводная рака.
2. Які жыве або знаходзіцца на глыбіні ў вадзе.
Глыбакаводная фаўна.
глыбакаду́мны, -ая, -ае.
1. Поўны глыбокіх думак; удумлівы.
Г. паэт.
2. Сур’ёзны, засяроджаны.
Г. выгляд.
|| наз. глыбакаду́мнасць, -і, ж.
глыбе́ць, 1 і 2 ас. звычайна не ўжыв., -е́е; незак.
Станавіцца больш глыбокім.
|| зак. паглыбе́ць, 1 і 2 ас. звычайна не ўжыв., -е́е.
глыбіня́, -і́, мн. глыбіні, -бінь, ж.
1. Адлегласць ад паверхні да дна або ад якога-н. месца ў напрамку да нізу.
Г. возера.
2. чаго. Прастора ўнутр ад мяжы, ад краю чаго-н.
У глыбіні лесу.
3. перан., чаго. Сіла, ступень праяўлення чаго-н.; змястоўнасць.
Г. пачуцця.
Г. думак.
◊
Да глыбіні душы — вельмі моцна (крануць, уразіць).
У глыбіні душы — пра пачуцці, перажыванні людзей, схаваныя ад іншых.
|| прым. глыбі́нны, -ая, -ае.
Глыбінная бомба.
Глыбінная вёска.