крышталягра́фія, -і, ж.
Навука аб крышталях і крышталічным стане рэчыва.
|| прым. крышталеграфі́чны, -ая, -ае.
крышы́цца, 1 і 2 ас. не ўжыв., кры́шыцца; незак.
Драбіцца, рассыпацца на дробныя часткі.
Пячэнне крышыцца.
|| зак. скрышы́цца, скры́шыцца, раскрышы́цца, -кры́шыцца і пакрышы́цца, -кры́шыцца.
крышы́ць, крышу́, кры́шыш, кры́шыць; кры́шаны; незак.
1. што. Наразаць дробнымі кавалкамі; здрабняць што-н.
К. буракі.
2. каго-што. Ламаць, разбіваць на часткі.
К. крэйду.
3. перан., каго-што. Знішчаць (разм.).
К. варожыя ўмацаванні.
4. Накідваць дзе-н. крошак (разм.).
Не крышы на падлогу.
|| зак. скрышы́ць, скрышу́, скры́шыш, скры́шыць; скры́шаны (да 1 і 2 знач.), раскрышы́ць, -крышу́, -кры́шыш, -кры́шыць; -кры́шаны (да 2 знач.) і накрышы́ць, -крышу́, -кры́шыш, -кры́шыць; -кры́шаны (да 1 і 3 знач.).
|| наз. крышэ́нне, -я, н. (да 1 і 2 знач.).
крэазо́т, -у, М -зо́це, м.
Прадукт сухой перагонкі драўніны — масляністая вадкасць з пахам драўніннага дзёгцю, якая выкарыстоўваецца ў медыцыне і тэхніцы.
|| прым. крэазо́тавы, -ая, -ае.
крэату́ра, -ы, ж., каго або чыя (кніжн.).
Той, хто займае пасаду дзякуючы пратэкцыі якой-н. уплывовай асобы і з’яўляецца паслухмяным выканаўцам яе волі; стаўленік.
крэве́тка, -і, ДМ -тцы, мн. -і, -так, ж.
Невялікі ядомы марскі рак; мяса гэтага рака.
Салат з крэветак.
|| прым. крэве́тачны, -ая, -ае.
Крэветачнае масла.
крэ́да, нескл., н.
1. Сімвал веры ў каталіцкай царкве.
2. перан. Чые-н. перакананні, светапогляд (кніжн.).
крэ́дыт, -у, М -дыце, м. (спец.).
У прыходна-расходных кнігах: падлік расходаў і даўгоў дадзенай установы.
|| прым. крэ́дытавы, -ая, -ае.
крэды́т, -у, М -ды́це, мн. -ы, -аў, м.
1. Продаж тавараў з адтэрмінаванай платай або часовая выдача банкам грошай у доўг на пэўныя расходы з выплатай за гэта працэнтаў.
Узяць мэблю ў крэдыт.
Валютны к.
2. звычайна мн. Грашовыя сумы, адпушчаныя на пэўныя расходы.
Крэдыты на будаўніцтва.
Крэдыты на сацыяльную сферу.
3. перан. Давер’е, аўтарытэт (кніжн.).
Палітычны к.
Карыстацца крэдытам у каго-н.
|| прым. крэды́тны, -ая, -ае (да 1 і 2 знач.).
Крэдытныя аперацыі.
крэдытава́ць, -ту́ю, -ту́еш, -ту́е; -ту́й; -тава́ны; зак. і незак., каго-што.
Адпусціць (адпускаць) каму-н. крэдыты.
К. капітальнае будаўніцтва.
|| наз. крэдытава́нне, -я, н.