Verbum

такало́гія

(ад гр. tokos = роды + -логія)

раздзел медыцыны, які вывучае роды.

така́та

(іт. toccata)

віртуозная музычная п’еса для клавішнага інструмента (аргана, фартэпіяна), якая выконваецца ў хуткім тэмпе.

такаферо́лы

(ад гр. tokos = роды + phero = нясу + -ол)

група вітамінаў Е, якія змяшчаюцца ў расліннай ежы, асабліва ў зернях злакаў і алеях, і адсутнасць якіх у арганізме выклікае разлад працэсаў размнажэння.

такела́ж

(гал. takelage)

сукупнасць карабельных снасцей (тросы, блокі, ланцугі), што прымяняюцца для пад’ёму і перамяшчэння грузаў, спуску шлюпак, кіравання парусамі і іншых работ.

та́кса​¹

(с.-лац. taxa, ад лац. taxare = ацэньваць)

афіцыяльна ўстаноўленая расцэнка тавараў або норма аплаты чаго-н. (напр. паштовая т.).

та́кса​²

(ням. Dachshund, ад Dachs = барсук + Hund = сабака)

парода невялікіх паляўнічых сабак з крывымі кароткімі нагамі і доўгім тулавам.

таксава́ць

(лац. taxare = ацэньваць)

рабіць таксацыю, вылічаць плату за што-н.

таксака́ра

(н.-лац. toxocara)

гельмінт класа нематодаў паразітуе ў тонкім кішэчніку сабак, лісоў, пясцоў, кошак.

таксакаро́з

(ад таксакара)

глісная хвароба пушных звяроў, сабак, кошак, якая выклікаецца таксакарай.

таксамато́р

(ад такса + матор)

тое, што і таксі.