Verbum

-тамія, -томія

(гр. tome = адразанне, адсяканне)

другая састаўная частка складаных слоў, якая адпавядае паняццю «рассячэнне».

тарпа́, торп

(літ. tarpas)

вялікая сцірта снапоў або саломы.

то́га

(лац. toga)

доўгі мужчынскі плашч без рукавоў, які насілі старажытнарымскія паўнапраўныя грамадзяне.

то́дэс

(ад ням. Tod = смерць)

элемент у парным фігурным катанні на каньках, калі партнёрка апісвае вакол партнёра, які трымае яе за руку, круг на адным каньку пры становішчы цела амаль паралельна лёду.

той

(цюрк. toj)

свята, якое суправаджаецца банкетам, музыкай, танцамі, у народаў Сярэд. Азіі.

той-тэр’е́р

(ад англ. toy = цацка + тэр’ер)

парода паляўнічых сабак з групы тэр’ераў.

тол

[ад (трынітра)т(алу)ол]

тое, што і трынітраталуол.

то́лас

(гр. tholos)

культавы будынак акруглай формы (грабніца, храм) у эгейскай культуры і антычным свеце.

толь

(фр. tôle)

дахавы матэрыял, які атрымліваецца ў выніку насычэння кардону воданепранікальным саставам.

том

(лац. tomus, ад гр. tomos)

1) частка (асобная кніжка) якога-н. збору твораў;

2) асобная кніжка якога-н. выдання, збору кніг, бібліятэчнага фонду;

3) кніга (звычайна тоўстая).