Verbum

псалмо́дыя

(гр. psalmodia)

спосаб спявання псалмаў у форме меладычнай дэкламацыі.

псало́м

(гр. psalmos)

кожны з рэлігійных і маральна-павучальных спеваў, з якіх складаецца Псалтыр.

псалты́р

(гр. psalterion)

адна з біблейскіх кніг Старога запавету, якая складаецца з псалмаў.

псалтэ́рыюм

(лац. psalterium, ад гр. psalterion = псалтыр)

шматструнныя шчыпковыя музычныя інструменты без шыйкі (тыпу гусляў).

пса́льма

(гр. psalmos)

кант на рэлігійную тэматыку.

псамафі́лы

(ад гр. psammos = пясок + -філ)

жывёлы, якія жывуць у пясках, напр. пясчаная блыха, яшчаркі, тушканчыкі.

псамафі́ты

(ад гр. psammos = пясок + -фіты)

расліны, якія растуць на пяску, напр. пясчаная асака, саксаул, вярба вастралістая; пясчаныя расліны.

псамі́ты

(гр. psammites = пясчаны)

горныя пароды — пяскі і пясчанікі з памерам зярнят звычайна ад 1 да 0,1 мм.

псамо́н

(ад гр. psammos = пясок + on = якое існуе)

сукупнасць мікраскапічных арганізмаў, якія жывуць у вільготным пяску па берагах рэк і азёр.

псарале́я

(н.-лац. psoralea, ад гр. psoraleos = агідны)

травяністая расліна сям. бабовых з доўгім коранем, пашыраная ў Сярэд. Азіі.