Verbum

тэксты́ль

(лац. textile, ад texere = ткаць)

агульная назва ткацкіх вырабаў з натуральных і штучных валокнаў, а таксама пража і сыравіна для іх.

тэксты́льны

(лац. textilis)

1) звязаны з вытворчасцю тэкстылю (напр. т-ая фабрыка);

2) зроблены, пашыты з тэкстылю.

тэктагене́з

[ад гр. tekto(nike) = майстэрства будаўніцтва + -генез]

сукупнасць працэсаў развіцця верхніх пластоў Зямлі пад уплывам тэктанічных рухаў.

тэктанафі́зіка

(ад гр. tekton = будаўнічы + фізіка)

раздзел тэктонікі, які вывучае фізічныя ўмовы ўзнікнення тэктанічных дэфармацый.

тэктані́чны

(гр. tektonikos)

1) які мае адносіны да будовы і развіцця зямной кары;

2) які мае адносіны да тэктонікі 1, да зрухаў і дэфармацыі зямной кары.

тэ́ктар

(лац. tectorium = штукатурка тынк)

тое, што і таркрэт.

тэктонасфе́ра

(ад гр. tekton = будаўнічы + сфера)

сфера зямной кары, якая прымае ўдзел у тэктанічных рухах.

тэкто́ніка

(гр. tektonike = майстэрства будаўніцтва)

1) раздзел геалогіі, які вывучае будову зямной кары, рух яе ўчасткаў, працэсы гораўтварэння;

2) тое, што і архітэктоніка 1.

тэкты́ты

(ад гр. tektos = плаўкі)

невялікія аплаўленыя кавалкі прыроднага шкла, якія, як мяркуюць, з’яўляюцца касмічным рэчывам.

тэлабла́сты

(ад гр. telos = канец + -бласты)

зародкавыя клеткі, з якіх фарміруецца мезадэрма ў першаснаротых.