Verbum

псеўдарэлі́кты

(ад псеўда- + рэлікты)

віды раслін і жывёл, што з’яўляюцца рэліктамі ў адных рэгіёнах, а ў выніку пашырэння іх першапачатковага арэала паўторна засяляюць новыя рэгіёны, у якіх яны з’яўляюцца ўжо псеўдарэліктамі.

псеўдарэмінісцэ́нцыя

(ад псеўда- + рэмінісцэнцыя)

парушэнне памяці (разнавіднасць парамнезіі), якое заключаецца ў расстройстве лакалізацыі па часе і месцу падзей.

псеўдасінскры́пта

(н.-лац. pseudosynscrypta)

каланіяльная залацістая водарасць сям. вохраманадавых, якая трапляецца ў планктоне сажалак.

псеўдасклерапо́дыум

(н.-лац. pseudoscleropodium)

лістасцябловы мох сям. брахітэцыевых, які расце пераважна на глебе ў хваёвых лясах і на сухіх лугах.

псеўдасфе́ра

(ад псеўда- + сфера)

мат. паверхня, утвораная паваротам трактрысы вакол яе асімптоты.

псеўдатуберкулёз

(ад псеўда- + туберкулёз)

інфекцыйная хвароба свойскіх жывёл, якая характарызуецца ўтварэннем ва ўнутраных органах і лімфатычных вузлах гнойных бугаркоў, якія знешне нагадваюць туберкулёзныя вузялкі вузельчыкі.

псеўдатэра́сы

(ад псеўда- + тэрасы)

выраўненыя, гарызантальныя або слабанахільныя паверхні на схілах, паходжанне якіх звычайна не звязана з прычынамі, якія выклікаюць утварэнне рачных тэрас.

псеўдатэтраэ́дран

(н.-лац. pseudotetraedran)

аднаклетачная жоўта-зялёная водарасць сям. сцыадавых, якая пашырана ў рэках і сажалках.

псеўдацыфеля́рыя

(н.-лац. pseudocyphellaria)

ліставаты сумчаты лішайнік сям. лабарыевых, які расце на ствалах дрэў, радзей на камяністым субстраце і глебе.

псеўдаэве́рнія

(н.-лац. pseudoevernia)

ліставаты сумчаты лішайнік сям. гіпагімніевых, які расце на ствалах і галінах хвойных, радзей лісцевых дрэў.