Verbum

тэсці́раваць

(лац. testari = сведчыць)

вызначаць разумовыя здольнасці, схільнасці, валявыя якасці чалавека і іншыя бакі яго асобы пры дапамозе тэстаў.

тэтані́я

(ад гр. tetanos = напружанне, сутарга)

тое, што і спазмафілія.

тэ́танус

(лац. tetanus, ад гр. tetanos = напружанне, сутарга)

1) працяглае скарачэнне мышцаў чалавека і жывёл пад уздзеяннем рада частых раздражненняў;

2) вострая інфекцыйная хвароба чалавека і жывёл, выкліканая слупняковай палачкай; слупняк.

тэтмемо́рус

(н.-лац. tetmemonis)

аднаклетачная зялёная водарасць сям. касмарыевых, якая пашырана пераважна ў сфагнавых і тарфяных вадаёмах.

тэтра-

(гр. tetras = чатыры)

першая састаўная частка складаных слоў, якая выражае паняцце «чатыры».

тэтрабромінды́га

(ад тэтра- + броміндыга)

тое, што і броміндыга.

тэтрагана́льны

(н.-лац. tetragonalis, ад гр. tetragonos = чатырохвугольны)

чатырохвугольны.

тэтрагна́та

(н.-лац. tetragnatha)

павук сям. тэтрагнатавых, які жыве ў траве і хмызняках па берагах вадаёмаў; актыўны драпежнік, знішчае мух, пільшчыкаў, вусачоў.

тэтраго́н

(гр. tetragonon, ад tetras = чатыры + gonia = вугал)

чатырохвугольнік.

тэтракла́дый

(н.-лац. tetracladium)

недасканалы грыб сям. маніліевых, які развіваецца ў прэснай вадзе на гнілым лісці.