Verbum

тэлеатэлье́

(ад тэле- + атэлье)

атэлье па ўстаноўцы і рамонту тэлевізараў.

тэлеаўтама́тыка

(ад тэле- + аўтаматыка)

галіна аўтаматыкі, якая ахоплівае тэорыю і прынцыпы пабудовы сістэм кіравання з выкарыстаннем метадаў і сродкаў тэлемеханікі.

тэлебіно́кль

(ад тэле- + бінокль)

спецыяльны бінокль, які дае магчымасць ясна бачыць вельмі аддаленыя прадметы.

тэлебо́л

(н.-лац. thelebolus)

сумчаты грыб сям. аскаболавых, які развіваецца на субстратах, багатых перагноем.

тэлеві́зар

(ад тэле- + лац. visor = які бачыць)

апарат для прыёму зрокавых перадач і іх гукавога суправаджэння.

тэлевіктары́на

(ад тэле- + віктарына)

жанр тэлевізійнага вяшчання, заснаваны на падачы ведаў у займальнай форме.

тэлегені́чны

(ад тэле- + гр. genos = род, паходжанне)

які эфектна выглядае на тэлевізійным экране (параўн. фотагенічны).

тэлегоні́я

(ад тэле- + -гонія)

уплыў мужчынскіх палавых гармонаў на жаночы арганізм, які праяўляецца ў з’яўленні ў яе нашчадкаў ад іншага бацькоўскага арганізма прымет, што былі ўласцівы мужчынскай асобіне, з якой яна скрыжоўвалася раней.

тэлегра́ма

(ад тэле- + -грама)

1) паведамленне, перададзенае па тэлеграфе;

2) бланк з тэкстам такога паведамлення.

тэлегра́ф

(ад тэле- + -граф)

1) сістэма сувязі, якая забяспечвае прыём і хуткую перадачу паведамленняў на адлегласць пры дапамозе электрычных сігналаў па правадах;

2) прадпрыемства сувязі, якое ажыццяўляе прыём, перадачу і дастаўку тэлеграм.