Verbum

псеўдаперы́птэр

(ад псеўда- + перыптэр)

антычны храм, у якім, у адрозненне ад перыптэра, калоны бакавых і задняга фасадаў не маюць поўнага аб’ёму і толькі напалову выступаюць са сцяны.

псеўдапецы́ца

(н.-лац. pseudopeziza)

сумчаты грыб сям. дэрматэяцавых, які трапляецца на лісці люцэрны, канюшыны, парэчак.

псеўдаплекта́нія

(н.-лац. pseudoplectania)

сумчаты грыб сям. саркасцыфавых, які расце ў хваёвых лясах на глебе, сярод імхоў, на ігліцы і гнілой драўніне.

псеўдапо́дыі

(ад псеўда- + -подыі)

часовыя тонкія адросткі пратаплазмы, якія выпускаюцца целам шматлікіх прасцейшых жывёл, напр. амёб, для перамяшчэння і захоплівання ежы; псеўданожкі.

псеўдаполіэдрыёпсіс

(н.-лац. pseudopotyedriopsis)

аднаклетачная жоўта-зялёная водарасць сям. плеўрахлоравых, якая трапляецца ў рэках, азёрах, вадасховішчах, сажалках.

псеўдараманты́зм

(ад псеўда- + рамантызм)

1) назва рамантызму 19 ст. у адрозненне ад рамантызму сярэдневяковага перыяду;

2) уяўна рамантычны характар чаго-н.

псеўдарэалі́зм

(ад псеўда- + рэалізм)

уяўны рэалізм.

псеўдарэлі́кты

(ад псеўда- + рэлікты)

віды раслін і жывёл, што з’яўляюцца рэліктамі ў адных рэгіёнах, а ў выніку пашырэння іх першапачатковага арэала паўторна засяляюць новыя рэгіёны, у якіх яны з’яўляюцца ўжо псеўдарэліктамі.

псеўдарэмінісцэ́нцыя

(ад псеўда- + рэмінісцэнцыя)

парушэнне памяці (разнавіднасць парамнезіі), якое заключаецца ў расстройстве лакалізацыі па часе і месцу падзей.

псеўдасінскры́пта

(н.-лац. pseudosynscrypta)

каланіяльная залацістая водарасць сям. вохраманадавых, якая трапляецца ў планктоне сажалак.