Verbum

папрапо́рваць, ‑аю, ‑аеш, ‑ае; зак., што.

Прапароць што‑н. у многіх месцах, прапароць усё, многае. Папрапорваць шыны. Папрапорваць ногі на калючы дрот.

папрапуска́ць, ‑аю, ‑аеш, ‑ае; зак., каго-што.

1. Прапусціць усіх, многіх або ўсё, многае, даць прайсці, праехаць усім, многім. Папрапускаць пешаходаў.

2. Прасунуць, працягнуць праз што‑н. усё, многае. Папрапускаць правады праз адтуліны.

3. Зрабіць многа пропускаў. Папрапускаць радкі. Папрапускаць заняткі.

папрапяка́ць, ‑аю, ‑аеш, ‑ае; зак., што.

Прапячы, прапаліць што‑н. у многіх месцах.

папрараза́цца, ‑аецца; зак.

Прарэзацца, прабіцца на паверхню чаго‑н. — пра ўсё, многае.

папрараза́ць, ‑аю, ‑аеш, ‑ае; зак., што.

Прарэзаць што‑н. у многіх месцах, прарэзаць усё, многае. Папраразаць паперу. Папраразаць праёмы для акон.

папрараста́ць, ‑ае; зак.

Прарасці — пра ўсё, многае. Восень у той год выдалася халодная і дажджлівая. Як пачаліся дажджы ў жніво, дык цягнуліся да самых прымаразкаў. Жыта папрарастала ў снапах, атава пагніла ў пракосах... С. Александровіч.

папраро́шчваць, ‑аю, ‑аеш, ‑ае; зак., што.

Прарасціць усё, многае. Папрарошчваць усё насенне.

папрарыва́ць ​¹, ‑аю, ‑аеш, ‑ае; зак., што.

1. Прарваць што‑н. у многіх месцах, прарваць усё, многае. Папрарываць паперу.

2. Зрабіць пасадкі чаго‑н. радзейшымі. Папрарываць буракі.

папрарыва́ць ​², ‑ае; зак., што.

Прарыць лычом у многіх месцах (пра жывёл).

папрарэ́звацца, ‑аецца; зак.

Тое, што і папраразацца.

папрарэ́зваць, ‑аю, ‑аеш, ‑ае; зак., што.

Тое, што і папраразаць.