Verbum

паі́грываць, ‑аю, ‑аеш, ‑ае; незак.

Разм. Час ад часу іграць на чым‑н. Паігрываць на баяне.

паі́каць, ‑аю, ‑аеш, ‑ае; зак.

Разм. Ікаць некаторы час.

паі́лка, ‑і, ДМ ‑лцы; Р мн. ‑лак; ж.

Спецыяльна абсталяванае прыстасаванне для паення жывёлы. Мы ўбачылі макет кароўніка з аўтаматычнымі паілкамі. «Беларусь».

паі́льнік, ‑а, м.

Спец. Кубачак з доўгім носікам і паўзакрытым верхам, з якога пояць слабых хворых.

паі́льны, ‑ая, ‑ае.

Які мае адносіны да паення. Паільнае прыстасаванне.

паімжы́ць, ‑жыць; зак.

Імжыць некаторы час.

паімжэ́ць, ‑жыць; зак.

Тое, што і паімжыць. Дождж паімжэў і перастаў. Зашапацела лісце — трывожна, бы нават пагрозліва. Васілёнак.

паінтрыгава́ць, ‑гую, ‑гуеш, ‑гуе; зак., каго і без дап.

Інтрыгаваць некаторы час.

паінфармава́насць, ‑і, ж.

Дасведчанасць у чым‑н.

паінфармава́ны, ‑ая, ‑ае.

Дзеепрым. зал. пр. ад паінфармаваць.