зашклёны, ‑ая, ‑ае.
1. Дзеепрым. зал. пр. ад зашкліць.
2. у знач. прым. Са шклянымі сценкамі або дзвярамі. Зашклёная шафа. □ У зашклёнай тэлефоннай будцы .. стаялі дзве дзяўчынкі і абедзве разам нешта крычалі ў тэлефонную трубку. Арабей.
зашклі́ць, ‑лю, ‑ліш, ‑ліць; зак., што.
Уставіць шкло, шыбу ў раму. Зашкліць вокны. Зашкліць веранду.
зашкля́цца, ‑яецца; незак.
Зал. да зашкляць.
зашкля́ць, ‑яю, ‑яеш, ‑яе.
Незак. да зашкліць.
зашко́дзіць, ‑дзіць; зак., каму-чаму і без дап.
Прынесці шкоду, дрэнна адбіцца (на чыім‑н. здароўі, ходзе справы і пад.). — Не размаўляй, так многа, табе зашкодзіць, — перапыніў жонку Максім Сцяпанавіч. Карпаў.
зашкра́баць і зашкрэ́баць, ‑аю, ‑аеш, ‑ае; зак.
Разм. Пачаць шкрабаць, шкрэбаць.
зашкрэ́бці, ‑шкрабу, ‑шкрабеш, ‑шкраба; ‑шкрабём, ‑шкрабяце; зак.
Пачаць шкрэбці.
зашлёпаць, ‑аю, ‑аеш, ‑ае; зак.
Разм. Пачаць шлёпаць. // Пайсці, паехаць шлёпаючы. Язэп устаў з пасцелі, босымі нагамі зашлёпаў да парога. Пянкрат.
зашліфава́ць, ‑фую, ‑фуеш, ‑фуе; зак., што.
Спец. Зрабіць вельмі гладкім або ліквідаваць якую‑н. няроўнасць шліфоўкай. Зашліфаваць краі дэталі.
зашліфо́ўванне, ‑я, н.
Спец. Дзеянне паводле знач. дзеясл. зашліфоўваць.