Verbum

паабганя́ць, ‑яю, ‑яеш, ‑яе; зак., каго-што.

1. Абганяючы, выперадзіць усіх, многіх. Паабганяць машыны.

2. Абараць акучнікам усё, многае. Паабганяць усе буракі.

паабгара́ць, ‑ае; ‑аем, ‑аеце, ‑аюць; зак.

Тое, што і паабгарваць. Паабгаралі і прысады на вуліцах, але ўжо некаторыя дрэўцы пусцілі парасткі. Сабаленка.

паабга́рваць, ‑ае; ‑аем, ‑аеце, ‑аюць; зак.

Абгарэць у нейкай ступені. Сад быў блізка, каля будынін, дык калі гарэлі ямы, то паабгарвала голле і на яблынях. Марціновіч.

паабгаро́джваць, ‑аю, ‑аеш, ‑ае; зак., што.

Абгарадзіць усё, многае. Паабгароджваць сады.

паабгіна́цца, ‑аецца; ‑аемся, ‑аецеся, ‑аюцца; зак.

Абагнуцца — пра ўсё, многае.

паабгіна́ць, ‑аю, ‑аеш, ‑ае; зак., што.

Разм. Абагнуць што‑н. з усіх бакоў; абагнуць усё, многае. Паабгінаць краі бляшанага ліста.

паабгла́джваць, ‑аю, ‑аеш, ‑ае; зак., што.

Разм. Абгладзіць усё, многае. Паабгладжваць складкі.

паабгніва́ць, ‑ае; зак.

Абгніць зверху або з краёў; абгніць у многіх месцах. Дашчаты тратуар — у тры дошкі — ляжаў уздоўж плота. Дзе-нідзе толькі, праўда, паабгнівалі краёчкі. Пальчэўскі.

паабго́ртваць, ‑аю, ‑аеш, ‑ае; зак., што.

Абгарнуць усё, многае. Паабгортваць кнігі.

паабграба́ць, ‑аю, ‑аеш, ‑ае; зак., што.

Разм. Абгрэбці ўсё, многае. Паабграбаць вазы з сенам.