запу́жваць, ‑аю, ‑аеш, ‑ае.
Незак. да запужаць.
запульсава́ць, ‑суе; зак.
Пачаць пульсаваць.
запунсаве́лы, ‑ая, ‑ае.
Які запунсавеў, зрабіўся пунсовым. Дзяўчына прытуліла да запунсавелых шчок халаднаватыя пялёсткі і шчасліва засмяялася. Даніленка.
запунсаве́цца, ‑еюся, ‑еешся, ‑еецца; зак.
Разм. Тое, што і запунсавець.
запунсаве́ць, ‑ею, ‑ееш, ‑ее; зак.
1. Зрабіцца пунсовым. Дзявочыя шчокі запунсавелі, нібы тыя ружы. Арочка.
2. (1 і 2 ас. не ўжыв.). Вылучыцца сваім пунсовым колерам, паказацца (аб чым‑н. пунсовым). У траве запунсавелі суніцы.
за́пуск 1, ‑у, м.
Дзеянне паводле дзеясл. запускаць 1 — запусціць 1 (у 2, 3 і 5 знач.).
за́пуск 2, ‑у, м.
Дзеянне паводле дзеясл. запускаць 2 — запусціць 2 (у 4 знач.).
запуска́нне 1, ‑я, н.
Дзеянне паводле дзеясл. запускаць 1 — запусціць 1 (у 1–6 знач.).
запуска́нне 2, ‑я, н.
Дзеянне паводле дзеясл. запускаць 2 — запусціць 2 (у 4 знач.).
запуска́цца 1, ‑аецца; незак.
Зал. да запускаць 1 (гл. запусціць 1 у 1–6 знач.).
запуска́цца 2, ‑аецца; незак.
1. Незак. да запусціцца.
2. Зал. да запускаць 2.
запуска́ць 1, ‑аю, ‑аеш, ‑ае.
Незак. да запусціць 1.
запуска́ць 2, ‑аю, ‑аеш, ‑ае.
Незак. да запусціць 2.
за́пускі, ‑аў; адз. няма.
Уст. Тое, што і загавіны. «Гуляе Марыніч, запускі спраўляе, — сам сабе думае Пракоп, — у калгас наважыўся запісацца». Колас.