Verbum

рэй

Весці рэй гл. весці.

рэйд​¹, ✂, м.

Водная прастора (каля марскога берага), зручная для стаянкі суднаў.

• Стаяць на рэйдзе.
• Знешні р. (на падыходах да порта).
• Унутраны р. (унутры порта).

|| прым. рэйдавы, ✂.

рэйд​², ✂, м.

1. Набег рухомых ваенных сіл у тыл праціўніка з мэтай ажыццяўлення баявых дзеянняў.

   • Р. партызанскіх атрадаў.

2. перан. Нечаканая рэвізія, праверка дзейнасці якіх-н. аб’ектаў, што праводзіцца групай актывістаў па заданню грамадскіх арганізацый.

   • Р. народных кантралёраў.

|| прым. рэйдавы, ✂.

рэйдэр, ✂, м.

Ваенны карабель, які вядзе на марскіх шляхах самастойныя аперацыі па знішчэнню транспартных, гандлёвых суднаў праціўніка.

|| прым. рэйдэрскі, ✂.

рэйка​¹, ✂, ж.

1. Плоскі брус, вузкая тонкая дошка.

2. Брус з дзяленнямі для вымярэння вышыні ўзроўню вады, глыбіні снежнага покрыва (спец.).

|| прым. рэечны, ✂.

рэйка​², ✂, ж.

1. На чыгуначным пуці: вузкі стальны брус, па якім коцяцца колы цягніка.

   • Мацаванне рэек да шпал.

2. перан. У некаторых спалучэннях: напрамак, шлях.

   • Стаць на новыя рэйкі.
   • На рэйках інтэнсіфікацыі.

◊

• На рэйкі чаго, у знач. прыназ. з Р — на які-н. шлях, на пэўны напрамак.

• Перавесці вытворчасць на рэйкі аўтаматызацыі.

|| прым. рэйкавы, ✂.

• Рэйкавая дарога (чыгунка).
• Рэйкавая вайна (у гады Вялікай Айчыннай вайны: дзеянні партызан, якія падрывалі варожыя цягнікі).

рэйкапракатны, ✂.

Які мае адносіны да вырабу рэек​² (у 1 знач.) пракаткай.

• Р. завод.

рэйнвейн, ✂, м.

Гатунак вінаграднага віна.

рэйс, ✂, м.

Шлях транспартнага сродку (судна, самалёта, аўтамабіля) па пэўнаму маршруту.

• Аўтобусны р.
• Дальнія рэйсы.

|| прым. рэйсавы, ✂.

рэйсавы, ✂.

1. гл. рэйс.

2. Пра транспартны сродак: які ходзіць па пэўных рэйсах, мае пастаянны маршрут.

   • Р. аўтобус.
   • Р. самалёт.