Verbum

анлайнавы слоўнік

нейра...

Першая частка складаных слоў са знач.:

які мае адносіны да нервовай сістэмы, да нерваў (у 1 знач.), напр. нейраанатомія, нейрапсіхалогія, нейрасакрэцыя, нейрафізіялогія, нейрахірургія;
які мае адносіны да нервовых клетак, напр. нейравірусны, нейрагенетыка, нейраэпітэлій.

нейрахірург, ✂, м.

Спецыяліст па нейрахірургіі.

нейрахірургія, ✂, ж.

Раздзел медыцыны, які займаецца захворваннямі нервовай сістэмы і іх хірургічным лячэннем.

|| прым. нейрахірургічны, ✂.

нейрон, ✂, м. (спец.).

Клетка, здольная выпрацоўваць нервовыя імпульсы і перадаваць іх іншым клеткам.

нейтралізаваць, ✂; зак. і незак.

Зрабіць (рабіць) нейтральным (у 1 і 3 знач.).

|| наз. нейтралізацыя, ✂.

нейтралітэт, ✂, м.

Міжнародна-прававое становішча дзяржавы, якая не прымае ўдзелу ў вайне, што вядзецца паміж іншымі краінамі і захоўвае з імі мірныя адносіны, не ўваходзіць у ваенна-палітычныя блокі.
- Захоўваць н.
перан. Неўмяшанне ў чужыя спрэчкі, у барацьбу паміж двума бакамі.

○

Пазітыўны нейтралітэт — знешнепалітычны курс шэрагу дзяржаў, якія ў мірны час не ўступаюць у ваенныя саюзы, актыўна ўдзельнічаюць у барацьбе за мір.

нейтральны, ✂.

Які захоўвае нейтралітэт у адносінах да дзяржаў, што ваююць.
- Нейтральная краіна.
перан. Які не становіцца на чый-н. бок (у палітычнай барацьбе, спрэчках і пад.).
- Заняць нейтральную пазіцыю.
Які не дае ні шчолачнай, ні кіслай рэакцыі (спец.).
- Н. раствор.
Які не аказвае ні шкоднага, ні карыснага дзеяння.
- Нейтральныя рэчывы.
- Нейтральныя лякарствы.

○

Нейтральная зона (паласа), нейтральныя воды — такія, на якіх, згодна з пагадненнем, не павінны весціся ваенныя дзеянні, размяшчацца ваенныя сілы.

|| наз. нейтральнасць, ✂.

нейтрон, ✂, м. (спец.).

Электрычна нейтральная элементарная часціца з масай, амаль роўнай масе пратона.

|| прым. нейтронны, ✂.

нейтрына, нескл., н. (спец.).

Стабільная электрычна нейтральная элементарная часцінка з масай, роўнай ці блізкай да нуля.

|| прым. нейтрынны, ✂.

нейчы, займ.

Невядома чый, чыйсьці.