Verbum

сеткаваты, ✂.

Які мае выгляд сеткі; які з’яўляецца сеткай (у 1 знач.).

• Сеткаватыя крылы.
• С. ўзор.
• С. чарпак.

сеткакрылыя, ✂, н.

Атрад насякомых з крыламі, пакрытымі густой сеткай дробных жылак.

сеча, ✂, ж. (уст. высок.).

Бой, бітва.

• Крывавая с.

сечка, ✂, ж.

1. Дробна нарэзаная салома, трава на корм жывёле.

   • Запарыць сечкі карове.

2. Драблёныя крупы.

   • Ячная с.
   • Грэчневая с.

3. Шырокі паўкруглы нож для ссякання капусты.

сеялка, ✂, ж.

Машына для пасеву насення.

• Трактарная с.

|| прым. сеялкавы, ✂.

сеяльшчык, ✂, м.

Работнік сельскай гаспадаркі, які займаецца пасевам насення.

|| ж. сеяльшчыца, ✂.

сеянец, ✂, м.

Расліна, што вырасла з насення (у адрозненне ад саджанца).

сеянка, ✂, ж. (разм.).

Дробна прасеяная мука.

сеяць, ✂; незак.

1. Раскідваць насенне на падрыхтаваную для сяўбы глебу.

   • С. пшаніцу.

2. перан. Распаўсюджваць сярод людзей якія-н. думкі, настрой і пад. (высок).

   • С. разумнае, добрае, вечнае.
   • С. веру ў лепшае жыццё.

3. Тое, што і прасейваць.

   • С. муку.

4. Пра дробны дождж, снег: ісці.

   • Цэлую раніцу сеяў дождж.

5. Засяваць (якую-н. плошчу зямлі; разм.).

   • С. поле пад лесам.

|| зак. пасеяць, ✂.

|| наз. сеянне, ✂ і пасеў, ✂.

• Сеянне дрэнных чутак.
• Сеянне мукі.
• Пасеў азімых закончаны.

сячы, ✂ і секчы, ✂, незак.

1. Удараючы з размаху чым-н. вострым, раздзяляць на часткі, здрабняць.

   • С. дровы.
   • С. мяса.
   • С. лёд.

2. Падсякаючы, валіць на зямлю, аддзяляць ад асновы; ссякаць.

   • С. лес.
   • С. капусту.

3. Абчэсваць (камень; спец.).

   • С. камень.

4. Біць, караць розгамі, рэменем і пад.

   • Яго секлі розгамі.

5. Ліць моцна, струменямі; з сілай біць, хвастаць (пра дождж, град і пад.).

   • Цэлы дзень сячэ дождж.
   • Град сячэ збажыну.

6. Пра насякомых: кусаць (разм.).

   • Авадні і сляпні сякуць кароў.

7. перан. Выказвацца пра каго-, што-н. рэзка, рашуча.

   • С. праўду ў вочы.

8. Грызці, прагрызаць дзіркі (пра мышэй; разм.).

   • Мышы сякуць салому.

|| зак. пасячы, ✂, пасекчы, ✂, ссячы, ✂ і ссекчы, ✂.

|| аднакр. секануць, ✂.

|| наз. сячэнне, ✂.