Verbum

там, прысл. і часц.

1. прысл. У тым месцы, не тут.

   • Тут сонца свеціць, а т. дождж ідзе.

2. прысл. Потым, затым, далей.

   • Т. пабачым, што трэба рабіць.

3. часц. У спалучэнні з займеннікам «які» і прыслоўямі «дзе», «калі», «куды» ужыв. для ўзмацнення адмаўлення чаго-н., указання на немагчымасць здзейсніць што-н. (разм.).

   • Дзе т. тая дарога! Балота адно.
   • Якія т. грошы!
   • Дзе т.!

4. часц. Ужыв. ў пабуджальных сказах для ўзмацнення пабуджальнасці (разм.).

   • Пастарайся т. хутчэй закончыць работу.

тамагаўк, ✂, м.

Ударная кідальная зброя паўночнаамерыканскіх індзейцаў.

тамада, ✂, м.

Асоба, якая вядзе банкет.

тамат, ✂, м.

1. Тое, што і памідор.

2. Паста, соус з памідораў.

   • Рыба ў тамаце.

|| прым. таматны, ✂.

• Т. сок.

тамашні, ✂ (разм.).

Які знаходзіцца там, у тым месцы, у той мясцовасці, пра якую ідзе гаворка; не тутэйшы.

• Тамашнія жыхары.

тамбур​¹, ✂, м.

1. Прыбудова каля ўваходных дзвярэй, якая засцерагае ад халоднага паветра.

2. Закрытая пляцоўка пасажырскага чыгуначнага вагона.

3. Цыліндрычная або шматгранная верхняя частка будынка, якая падтрымлівае купал (спец.).

|| прым. тамбурны, ✂.

тамбур​², ✂, м. (спец.).

Род вышывання або вязання вочка ў вочка.

|| прым. тамбурны, ✂.

• Тамбурная іголка.

тамбурмажор, ✂, м.

1. Дырыжор, які задае рытм ваеннаму аркестру на маршы.

2. Жазло, якім дырыжор задае рытм духавому аркестру на маршы.

|| прым. тамбурмажорскі, ✂.

тамбурын, ✂, м.

1. Ударны народны музычны інструмент, род бубна.

2. Барабан з падоўжаным корпусам.

таміцца, ✂; незак.

1. Зморвацца, прыставаць ад цяжкай, непасільнай працы.

2. Мучыцца, пакутаваць ад чаго-н.

   • Т. ў палоне.
   • Т. ў чаканні.

3. Вытрымлівацца пры пэўных умовах для набыцця неабходных якасцей (спец.).

|| зак. стаміцца, ✂ і утаміцца, ✂.

|| наз. тамленне, ✂.