Verbum

касатка​¹, ✂, ж.

Народная назва ластаўкі.

касатка​², ✂, ж.

Буйная драпежная млекакормячая жывёліна сямейства дэльфінавых, падобная на кіта.

касаўё, ✂, н. (абл.).

Тое, што і кассё.

касацыя, ✂, ж.

1. Перагляд або адмена рашэння, якое яшчэ не ўступіла ў законную сілу, вышэйстаячай судовай інстанцыяй па скарзе бакоў або пратэсту пракурора (спец.).

   • К. прысуду.
   • Падаць на касацыю.

2. Заява з просьбай аб пераглядзе або адмене судовага рашэння (разм.).

   • Падаць касацыю.

○

• Касацыя выбараў — адмена выбараў або прызнанне іх несапраўднымі ў выніку парушэння выбарчага закона.

|| прым. касацыйны, ✂.

касач​¹, ✂, м.

Травяністая расліна з доўгімі мечападобнымі лістамі і вялікімі кветкамі жоўтага, сіняга або фіялетавага колеру.

|| прым. касачовы, ✂.

• Сямейства касачовых (наз.).

касач​², ✂, м.

Цецярук-самец, які ў адрозненне ад самкі мае ў хвасце доўгае выгнутае пер’е.

|| прым. касачовы, ✂.

касеканс, ✂, м.

Адна з трыганаметрычных функцый — секанс дадатковага вугла.

касета, ✂, ж.

1. Стандартная па форме прылада, у якую змяшчаюцца якія-н. дэталі, матэрыялы.

   • Бомбавая к.

2. Плоская закрытая каробка, у якую змяшчаецца магнітная стужка.

3. Святлонепранікальны футляр для засцярогі светлочуллівай плёнкі, пласцінак.

|| прым. касетны, ✂.

• К. магнітафон.

касец, ✂, м.

Той, хто косіць траву, збажыну.

касілка, ✂, ж.

Сельскагаспадарчая машына для касьбы.