про́за, -ы, ж.
1. Невершаваная літаратура ў адрозненне ад паэзіі.
Мастацкая п.
Пісаць прозу.
2. перан. Будзённасць, паўсядзённасць жыцця.
П. жыцця.
|| прым. празаі́чны, -ая, -ае.
про́звішча, -а, мн. -ы, -аў, н.
Спадчыннае сямейнае найменне, якое дадаецца да ўласнага асабістага імя.
Дзявочае п. (да замужжа).
про́йгрыш, -у, мн. -ы, -аў, м.
1. Няўдачны для каго-н. зыход гульні, спаборніцтва і пад.
Застацца ў пройгрышы.
2. Сума грошай, страчаная пры гульні.
Вялікі п.
|| прым. про́йгрышны, -ая, -ае.
про́йма, -ы, мн. -ы, -аў, ж.
1. Адтуліна, паглыбленне ў чым-н., паміж чым-н.
У пройме дзвярэй паказалася галава.
П. паміж хмарамі.
2. Прарэз для рукава (спец.).
|| прым. про́йменны, -ая, -ае і про́ймавы, -ая, -ае.
про́лежань, -жня, мн. -жні, -жняў, м.
У ляжачых хворых: амярцвенне скураных покрываў той часткі цела, на якой доўга і нерухома ляжаць.
|| прым. про́лежневы, -ая, -ае.
про́мах, -у, мн. -і, -аў, м.
1. Удар, выстрал міма цэлі.
Біць без промаху.
2. перан. Памылка, хіба.
Зрабіць п.
◊
Не промах хто (разм.) — пра чалавека кемлівага, лоўкага.
Гэты хлопец не п.
про́мысел, -слу, мн. -слы, -слаў, м.
1. каго-чаго. Здабыванне чаго-н., паляванне.
П. жэмчугу.
П. собаля.
2. Занятак паляваннем, здабычай звяроў, птушак і пад.
Паляўнічы п.
Рыбалоўны п.
3. Дробная рамесная вытворчасць, звычайна як падсобны занятак пры асноўным, сельскагаспадарчым.
Ганчарны п.
Кавальскі п.
4. мн. Прамысловае прадпрыемства здабыўнога тыпу.
Нафтавыя промыслы.
Саляныя промыслы.
|| прым. прамысло́вы, -ая, -ае і про́мыславы, -ая, -ае.
Прамысловая (промыславая) рыба (якая з’яўляецца прадметам промыслу). Прамысловая (промыславая) кааперацыя.
про́паведзь, -і, Т -дзю, мн. -і, -яў, ж.
1. Прамова рэлігійна-павучальнага зместу.
Сказаць п.
2. перан., чаго. Распаўсюджванне якіх-н. ідэй, поглядаў (кніжн.).
П. новых ідэй.
про́падам (разм.).
У выразе: прападзі ты пропадам! — вокліч у знач.: згінь, знікні (звычайна пры выказванні прыкрасці, раздражнення).
Прападзі ён п. са сваімі грашыма!
про́пісь, -і, мн. -і, -ей, ж.
Узоры правільнага і прыгожага пісьма.
Вучыцца пісаць па пропісях.