прарэ́заць, -э́жу, -э́жаш, -э́жа; -э́ж; -э́заны; зак., што.
1. Зрабіць чым-н. рэжучым адтуліну ў чым-н.
П. сукно. П. акно (прасячы, прапілаваць; спец.).
2. Рэзаць што-н. на працягу якога-н. часу.
3. перан. Прайсці, пралегчы праз што-н., упоперак чаго-н., перасячы што-н.
Маланка прарэзала неба.
Лоб прарэзалі маршчыны.
|| незак. прараза́ць, -а́ю, -а́еш, -а́е (да 1 і 3 знач.) і прарэ́зваць, -аю, -аеш, -ае (да 1 і 3 знач.).
|| наз. прарэ́з, -у, м. (да 1 знач.), прарэ́зка, -і, ДМ -зцы, ж. (да 1 знач.), прараза́нне, -я, н. (да 1 знач.) і прарэ́званне, -я, н. (да 1 знач.).
|| прым. праразны́, -а́я, -о́е (да 1 знач.).
П. інструмент.
прарэ́злівы, -ая, -ае.
1. Рэзкі на слых.
П. голас.
Прарэзліва (прысл.) крыкнуць.
2. Пра позірк: пільны, пранізлівы (разм.).
|| наз. прарэ́злівасць, -і, ж.
прарэ́ктар, -а, мн. -ы, -аў, м.
Намеснік рэктара.
П. па навуковай рабоце.
|| прым. прарэ́ктарскі, -ая, -ае.
прарэпеці́раваць гл. рэпеціраваць.
прарэферы́раваць гл. рэферыраваць.
прарэ́х, -а, мн. -і, -аў, м. і прарэ́ха, -і, ДМ -рэ́се, мн. -і, -рэх, ж.
1. Дзірка на адзенні ці ў іншым прадмеце з тканіны.
Кішэнь з прарэхам.
2. перан. Недахоп, недагляд (разм.).
Прарэхі ў кіраўніцтве.
3. Пярэдні разрэз у штанах.
|| памянш. прарэ́шак, -шка, мн. -шкі, -шкаў, м. (да 1 і 3 знач.).
прарэцэнзава́ць гл. рэцэнзаваць.
прас, -а, мн. -ы, -аў, м.
Металічная прылада для прасавання адзення, тканіны.
Электрычны п.
Чыгунны п.
|| прым. пра́савы, -ая, -ае і праса́рны, -ая, -ае (спец.).
Прасарная вытворчасць.
прасава́льны¹, -ая, -ае.
Які прызначаецца, служыць для прасавання.
Прасавальная дошка.
прасава́льны², -ая, -ае.
Які прызначаны, служыць для прасавання (спец.).
П. цэх.