плебісцы́т, -у, М -цы́це, м. (спец.).
Апытанне ўсяго насельніцтва пры рашэнні асабліва важных пытанняў; рэферэндум.
Правесці п.
|| прым. плебісцы́тны, -ая, -ае.
плед, -а, М -дзе, мн. -ы, -аў, м.
Вялікае пакрывала са шчыльнай шарсцяной і інш., звычайна клятчастай, тканіны, з бахрамой.
Захутацца ў п.
плексігла́с, -у, м. (спец.).
Празрыстая бясколерная пластмаса; арганічнае шкло.
|| прым. плексігла́савы, -ая, -ае.
пле́мя, -мя і -мені, Д -мю і -мені, В -мя, Т -мем і -менем, М (аб) -мі і -мені, мн. плямёны, -мён і -мёнаў, н.
1. У дакласавым грамадстве: этнічная і сацыяльная супольнасць людзей, звязаных родавымі адносінамі, агульнай мовай і тэрыторыяй.
Першабытныя плямёны.
2. перан. Народ, народнасць (уст.).
3. перан., адз. Людзі, пакаленне людзей (высок.).
П. змагароў.
◊
На племя (спец.) — для атрымання патомства.
|| прым. племянны́, -а́я, -о́е (да 1 знач.).
П. быт.
племянны́, -а́я, -о́е.
1. гл. племя.
Племянныя мовы.
2. Пародзісты, чыстакроўны.
Племянная жывёла.
П. бык (пакінуты для прадаўжэння пароды).
плена́рны, -ая, -ае.
Які адбываецца пры ўдзеле ўсіх членаў выбарнага кіруючага органа, якой-н. арганізацыі і пад.
Пленарнае пасяджэнне.
пле́нум, -а, мн. -ы, -аў, м.
Сход у поўным саставе членаў выбарнага органа якой-н. арганізацыі.
Закрыты п.
П. праўлення Саюза пісьменнікаў Беларусі.
Пленум Вярхоўнага суда.
пле́снець, 1 і 2 ас. не ўжыв., -ее і плясне́ць, 1 і 2 ас. не ўжыв., -е́е; незак.
Пакрывацца плесняй.
|| зак. запле́снець, -ее, заплясне́ць, -е́е, спле́снець, -ее і сплясне́ць, -е́е.
пле́сня, -і, ж.
Мікраскапічныя грыбкі, якія збіраюцца ў выглядзе пушыстага налёту розных колераў на чым-н. гніючым, сырым.
Сцены старога памяшкання пакрыты плесняй.
П. мяшчанства (перан.).
|| прым. пле́сневы, -ая, -ае.
П. налёт.
пле́сці, пляту́, пляце́ш, пляце́; пляцём, плецяце́, пляту́ць; плёў, пляла́, -ло́; пляці́; пле́цены; незак., што.
1. Перавіваючы (лазу, ніці, стужкі і пад.), злучаць у адно цэлае, вырабляць.
П. кошык.
П. вянок.
2. перан. Гаварыць што-н. недарэчнае, узводзіць паклёп, нагаворваць (разм.).
П. інтрыгі.
П. бязглуздзіцу.
На гэту жанчыну рознае плялі.
|| зак. спле́сці, спляту́, спляце́ш, спляце́; спляцём, сплецяце́, спляту́ць; сплёў, спляла́, -ло́; спляці́; спле́цены.
|| наз. пляце́нне, -я, н.