Verbum

трохканто́вы, -ая, -ае.

З трыма кантамі.

Т. брус.

трохкла́сны, -ая, -ае.

Які мае тры класы, складаецца з трох класаў.

Трохкласная адукацыя.

трохко́лерны, -ая, -ае.

Які мае ў сваёй афарбоўцы тры колеры або складаецца з трох частак розных колераў.

Т. сцяг.

трохліне́йка, -і, ДМ -не́йцы, мн. -і, -не́ек, ж. (разм.).

Трохлінейная вінтоўка.

трохліне́йны, -ая, -ае.

Калібрам у тры лініі (у 8 знач.).

Трохлінейная вінтоўка.

трохме́рны, -ая, -ае.

Які змяшчае ў сабе тры часткі, тры рытмічныя меры.

Т. такт.

трохме́сны, -ая, -ае.

Які мае тры месцы, з месцамі для траіх.

Трохмесная палата.

трохпо́лле, -я, н.

Устарэлая сістэма паляводства з падзелам ворнай зямлі на тры полі, кожнае з якіх засявалася спачатку азімымі, затым яравымі, а на трэці год заставалася пад папар.

|| прым. трохпо́льны, -ая, -ае.

трохпрацэ́нтны, -ая, -ае.

1. Які складае тры працэнты ад чаго-н.

Т. даход.

2. Які дае тры працэнты прыбытку.

Трохпрацэнтная пазыка.

3. Які ўтрымлівае тры працэнты якога-н. рэчыва.

Т. раствор соды.

трохра́дка, -і, ДМ -дцы, мн. -і, -дак, ж. (разм.).

Трохрадны гармонік.