Verbum

трохме́сны, -ая, -ае.

Які мае тры месцы, з месцамі для траіх.

Трохмесная палата.

трохпо́лле, -я, н.

Устарэлая сістэма паляводства з падзелам ворнай зямлі на тры полі, кожнае з якіх засявалася спачатку азімымі, затым яравымі, а на трэці год заставалася пад папар.

|| прым. трохпо́льны, -ая, -ае.

трохпрацэ́нтны, -ая, -ае.

1. Які складае тры працэнты ад чаго-н.

Т. даход.

2. Які дае тры працэнты прыбытку.

Трохпрацэнтная пазыка.

3. Які ўтрымлівае тры працэнты якога-н. рэчыва.

Т. раствор соды.

трохра́дка, -і, ДМ -дцы, мн. -і, -дак, ж. (разм.).

Трохрадны гармонік.

трохрадко́ўе, -я, мн. -і, -яў, н.

Страфа з трох радкоў; тэрцэт.

трохра́дны, -ая, -ае.

1. З трыма радамі клавішаў (пра гармонік).

2. Размешчаны трыма радамі, у тры рады.

Трохраднае шво.

3. Прызначаны для высеву насення трыма радамі.

Трохрадная сеялка.

трохразо́вы, -ая, -ае.

Які паўтараецца тры разы.

Т. напамін.

трохрублёвы, -ая, -ае.

1. Вартасцю ў тры рублі.

2. Коштам у тры рублі.

трохсеры́йны, -ая, -ае.

Які складаецца з трох серый.

Т. фільм.

трохскладо́вы, -ая, -ае.

Які ў сваёй структуры мае тры склады.

Трохскладовае слова.