згу́бны, -ая, -ае.
Які вядзе да згубы, пагібельны.
З. агонь артылерыі.
|| наз. згу́бнасць, -і, ж.
згуля́цца, -я́юся, -я́ешся, -я́ецца; зак.
Дасягнуць зладжаных дзеянняў у сумеснай гульні.
Футбольная каманда згулялася.
|| незак. згу́львацца, -аюся, -аешся, -аецца.
згуртава́ны, -ая, -ае.
Дружны, аднадушны, арганізаваны.
З. калектыў.
|| наз. згуртава́насць, -і, ж.
згуртава́цца, 1 і 2 ас. не ўжыв., -ту́ецца; зак.
1. Сабрацца ў гурт.
Каля дрэва згуртавалася цэлая грамада людзей.
2. перан. Дасягнуць аднадушнасці ў поглядах, дзеяннях.
З. вакол думкі вучоных.
|| незак. згурто́ўвацца, -аецца; наз. згурто́ўванне, -я, н.
|| наз. згуртава́нне, -я, н. (да 2 знач.).
згуртава́ць, -ту́ю, -ту́еш, -ту́е; -ту́й; -тава́ны; зак.
1. каго. Аб’яднаць, наблізіўшы аднаго да другога.
З. жывёлу.
2. перан., каго (што). Дабіўшыся адзінства, згуртаванасці, аб’яднаць.
З. брыгаду.
|| незак. згурто́ўваць, -аю, -аеш, -ае.
|| наз. згуртава́нне, -я, н. (да 2 знач.).
згу́снуць, -сне; згус, -сла; зак. (разм.).
Згусціцца, загусцець.
Кісель згус.
згу́стак, -тка, мн. -ткі, -ткаў, м.
Камячок, які ўтварыўся пры загусценні вадкасці.
З. крыві.
З. энергіі (перан.: пра вельмі энергічнага чалавека).
|| прым. згу́сткавы, -ая, -ае.
згусці́цца, 1 і 2 ас. не ўжыв., -ці́цца; зак.
Стаць густым ці больш густым.
Цеста згусцілася.
Хмары згусціліся.
|| незак. згушча́цца, -а́ецца.
|| наз. згушчэ́нне, -я, н.
згусці́ць, згушчу́, згу́сціш, згу́сціць; згу́шчаны; зак., што.
Зрабіць густым або больш густым.
З. малако.
З. фарбы (перан.: у вусным апавяданні, адлюстраванні перабольшыць што-н. дрэннае, змрочнае і пад.).
|| незак. згушча́ць, -а́ю, -а́еш, -а́е.
|| наз. згушчэ́нне, -я, н.