Verbum

рэ́йбер

(ням. Reiber, ад reiben = церці)

драўляны брусок, якім прыціскаюць паперу да друкарскай формы, калі робяць на ёй адбітак.

рэйд​¹

(рус. рейд, ад гал. reede)

месца якарнай стаянкі суднаў у порце або каля берага.

рэйд​²

(англ. raid)

1) пранікненне і рух мотамеханізаваных, кавалерыйскіх вайсковых або партызанскіх груп па тылах праціўніка;

2) нечаканая рэвізія, якая праводзіцца групай актывістаў па заданню грамадскіх арганізацый ці друку.

рэ́йдэр

(англ. raider, ад raid = нападаць)

ваенны карабель, які мае заданне самастойна весці баявыя аперацыі, гал. ч. знішчаць варожыя судны.

рэйна́ўтрыя

(н.-лац. reynoutria)

травяністая расліна сям. драсёнавых з шырокаавальным лісцем і белавата-ружовымі кветкамі ў мяцёлках, пашыраная на Далёкім Усходзе; на Беларусі вырошчваецца як дэкаратыўная.

рэйнве́йн

(ням. Rheinwein)

гатунак вінаграднага віна.

рэ́йнджэрсы

(англ. rangers)

падраздзяленні ў арміі ЗША, прызначаныя для дыверсійна-разведвальных дзеянняў у тыле праціўніка.

рэйс​¹

(ням. Reise = падарожжа)

шлях якога-н. транспартнага сродку па пэўным маршруце.

рэйс​²

(парт. reis, ад rei = кароль)

разменная манета Партугаліі ў 1854—1911 гг. і Бразіліі ў 1854—1942 гг., роўная 1/1000 мільрэйса.

рэ́йсмус

(ням. Reißmaß, ад reißen = крэсліць + Maas = мера, памер)

інструмент для правядзення ліній, паралельных краю якога-н. вырабу ці дэталі.