Verbum

рэнтгенатэрапі́я

(ад рэнтгена- + тэрапія)

прымяненне рэнтгенаўскіх прамянёў з мэтай лячэння.

рэнтгенатэ́хніка

(ад рэнтгена + тэхніка)

сукупнасць апаратуры і метадаў атрымання рэнтгенаўскага выпрамянення і прымянення яго ў медыцыне, біялогіі і іншых галінах навукі і тэхнікі.

рэнтге́наўскі

(ад рэнтген)

звязаны з атрыманнем і выкарыстаннем нябачных электрамагнітных прамянёў, здольных пранікаць цераз непразрыстыя прадметы;

р-ая трубка — электравакуумны прыбор для атрымання такіх прамянёў;

р. аналіз — тое, што і рэнтгенаструктурны аналіз.

рэнтгенафлюарагра́фія

(ад рэнтгена- + флюараграфія)

метад атрымання фатаграфічных здымкаў рэнтгенаўскага адбітка якой-н. часткі цела з флюарэсцыруючага экрана.

рэнтгено́лаг

(ад рэнтгена- + -лаг)

спецыяліст па рэнтгеналогіі і рэнтгенатэрапіі.

рэнтгено́метр

(ад рэнтгена- + -метр)

прыбор для вымярэння колькасці рэнтгенаўскага выпрамянення ў рэнтгенах.

рэнтге́н-эквівале́нт

(ад рэнтген + эквівалент)

1) колькасць іанізуючага выпрамянення, эквівалентная па свайму біялагічнаму дзеянню аднаму рэнтгену рэнтгенаўскага або гама-выпрамянення;

2) доза іанізуючага выпрамянення, якая стварае такую ж колькасць пар іонаў, як і доза ў адзін рэнтген.

рэ́нтынг

(англ. renting)

форма фінансавання, капіталаўкладання пры кароткачасовай арэндзе.