Verbum

п’езаэлектры́чнасць

(ад п’еза- + электрычнасць)

электрычныя зарады, якія ўзнікаюць на гранях некаторых крышталёў у выніку механічнага ўздзеяння.

п’езаэфе́кт

(ад п’еза- + эфект)

узнікненне электрычных зарадаў на гранях некаторых крышталёў пад дзеяннем дэфармацыі (напружання).

п’езо́метр

(ад п’еза- + -метр)

прыбор для вымярэння механічнага напружання і ціску.

п’е́ксы

(фін. pieksu)

лыжныя спартыўныя чаравікі з загнутымі ўверх насамі.

П’еро́

(фр. pierrot, ад Pierre = імя героя іт. народнай камедыі 16 ст.)

персанаж французскага народнага тэатра 17—18 ст.; блазан, паяц.

п’е́са

(фр. piece)

1) драматычны твор, прызначаны для пастаноўкі на сцэне;

2) невялікі музычны твор (інструментальная п.).

П’е́та П’ета́

(іт. pieta = міласэрнасць)

сцэна аплаквання Хрыста Багародзіцай ў выяўленчым мастацтве.

п’етрэ́н

(ад бельг. Pietrain = назва мясцовасці ў Бельгіі)

парода свіней мяснога напрамку, выведзеная ў пач. 20 ст. у Бельгіі.