Verbum

рэі́мпарт

(ад рэ- + імпарт)

увязенне увоз з-за мяжы ўласных тавараў, раней туды экспартаваных.

рэінкарна́цыя

(ад рэ- + інкарнацыя)

падарожжа душы з цела ў цела (паводле некаторых усходніх рэлігійных дактрын).

рэінтраду́кцыя

(ад рэ- + інтрадукцыя)

1) развядзенне раслін у мясцовасцях, дзе яны раней раслі, але затым зніклі, як правіла, па віне чалавека;

2) другасная або кожная наступная інтрадукцыя раслін, якія раней культываваліся.

рэінфе́кцыя

(ад рэ- + інфекцыя)

паўторнае заражэнне арганізма (пасля выздараўлення) той самай хваробай (параўн. суперінфекцыя).

рэіфіка́цыя

(ад лац. res, rei = рэч + -фікацыя)

форма сацыяльных адносін, пры якой адносіны паміж людзьмі прымаюць выгляд адносін паміж рэчамі.

рэ́йбер

(ням. Reiber, ад reiben = церці)

драўляны брусок, якім прыціскаюць паперу да друкарскай формы, калі робяць на ёй адбітак.

рэйд​¹

(рус. рейд, ад гал. reede)

месца якарнай стаянкі суднаў у порце або каля берага.

рэйд​²

(англ. raid)

1) пранікненне і рух мотамеханізаваных, кавалерыйскіх вайсковых або партызанскіх груп па тылах праціўніка;

2) нечаканая рэвізія, якая праводзіцца групай актывістаў па заданню грамадскіх арганізацый ці друку.

рэ́йдэр

(англ. raider, ад raid = нападаць)

ваенны карабель, які мае заданне самастойна весці баявыя аперацыі, гал. ч. знішчаць варожыя судны.

рэйна́ўтрыя

(н.-лац. reynoutria)

травяністая расліна сям. драсёнавых з шырокаавальным лісцем і белавата-ружовымі кветкамі ў мяцёлках, пашыраная на Далёкім Усходзе; на Беларусі вырошчваецца як дэкаратыўная.