Verbum

суперка́рга

(англ. supercargo, ад лац. super = над + ісп. cargo = пагрузка)

давераны агент кампаніі, што зафрахтавала судна, які наглядае за прыёмам і выдачай грузаў.

супермадэрні́зм

(ад супер + мадэрнізм)

крайні мадэрнізм.

суперма́ркет

(англ. supermarket, ад лац. super = над + англ. market = рынак, продаж)

буйны магазін самаабслугоўвання па гандлю таварамі паўсядзённага попыту, пераважна спажывецкага; універсам.

супермо́да

(ад супер- + мода)

самая апошняя мода.

супермэ́н

(англ. superman, ад лац. super = над + англ. man = чалавек)

1) іран. чалавек, упэўнены ў сваёй перавазе над іншымі;

2) герой дэтэктываў, коміксаў, кінабаевікоў, надзелены нязвыклымі якасцямі, якія робяць яго непераможным, абаяльным.

суперпазі́цыя

(ад супер- + пазіцыя)

1) мат. падстаноўка функцый у функцыю або зменных велічынь у функцыю;

2) накладанне дзвюх фізічных велічынь, іх аб’яднанае дзеянне, калі яны ўзаемна не ўплываюць адна на адну.

суперпарамагнеты́зм

(ад супер- + парамагнетызм)

парамагнетызм сістэмы дробных ферамагнітных аднадоменных часціц у знешнім магнітным полі.

суперрэгенера́тар

(ад супер- + рэгенератар)

радыёпрыёмнік, які працуе пры перыядычна змяняльным згасанні прыёмнага контуру.

суперсе́леры

(англ. super-sellers)

кнігі тыпу бестселераў, выдадзеныя ў дарагім мастацкім афармленні.

суперстра́т

(лац. superstratum = насланае)

элементы мовы прышлага народа, што праніклі ў мову карэннага насельніцтва.