Verbum

бабана́рыя Царкоўны бабінец, дзе стаялі жабрачкі-жанчыны (АЗР, т. IV, 45; Нас. АУ).

бабі́нец Месца вакол царквы (Нясв., Сал.).

бабо́ўнік Балоцістае месца з зараснікам трылісніку Menyanthes trifoliata (БРС).

бабраві́на Месца, дзе вядуцца бабры (Сміл., Шат.).

бабро́вішча Месца, дзе вяліся бабры (Нясв.). Тое ж бабровыя гоны (у актах), баброўня (Рэч., Скідз.).

□ ур. Мала́я і Бальша́я Баброўня (луг) каля в. Заспа Рэч., в. Баброўня Скідз.